డీ డాకింగ్​ సక్సెస్​

శ్రీహరికోట: అంతరిక్ష చరిత్రలో ఇస్రో మరో పెద్ద విజయాన్ని సాధించింది. స్పాడెక్స్​ డీ డాకింగ్​ ప్రక్రియను విజయవంతం చేసినట్లు గురువారం ఇస్రో ప్రకటించింది. దీంతో చంద్రయాన్​–4కు మార్గం సుగమమైంది. గతంలో రెండు ఉపగ్రహాలను కలిపే డాకింగ్​ ప్రక్రియను విజయవంతంగా పూర్తి చేసింది. ప్రస్తుతం డీ​ డాకింగ్​ విజయవంతంగా పూర్తి చేసింది. దీంతో భవిష్యత్​ లో డీప్​ స్పేస్​ మిషన్లు, స్వదేశీ అంతరిక్ష కేంద్రాన్ని స్థాపించే దిశగా కీలక అడుగు పడినట్లయ్యింది. ఎక్కువ రాకెట్​ల ద్వారా ప్రయోగాలు అవసరమైతే ఇన్​ స్పేస్​ డాకింగ్​ సాంకేతిక అవసరం ఉంటుంది.

2024 డిసెంబర్​ 30న రెండు ఉపగ్రహాలను అంతరిక్ష కక్ష్యలోకి పంపింది. జనవరి 16న డాకింగ్​ ప్రక్రియ చేపట్టి విజయవంతమైంది. దీంతో ఈ ఘనత సాధించిన నాలుగో దేశంగా భారత్​ అవతరించింది. మార్చి 15 నుంచి స్పేడెక్స్​ ప్రయోగాలు చేపట్టనుందని ఇస్రో చీఫ్​ వి. నారాయణన్​ ప్రకటించారు. 
మరోవైపు స్పేడెక్స్​ డీ డాకింగ్​ ప్రక్రియ విజయవంతం కావడం పట్ల కేంద్రమంత్రి జితేంద్ర సింగ్​ శుభాకాంక్షలు తెలిపారు. ఉపగ్రహాలు నమ్మశక్యం కాని డీ-డాకింగ్‌ను సాధించాయన్నారు. భారతీయ అంతరిక్ష స్టేషన్, చంద్రయాన్ 4, గగన్‌యాన్‌తో సహా ప్రతిష్టాత్మక భవిష్యత్ మిషన్‌ల సజావుగా నిర్వహణకు మార్గం సుగమం చేస్తుందని సంతోషం వ్యక్తం చేశారు.