బంగ్లాలో దాడులపై ఆందోళన

బంగ్లాదేశ్​ తాత్కాలిక ప్రభుత్వానికి భారత్​ విజ్ఞప్తి
వెంటనే చర్యలు తీసుకోవాలన్న ఎంఈఎ ప్రతినిధి 
ఇస్కాన్​ బ్యాంకు అకౌంట్లు ఫ్రీజ్​

నా తెలంగాణ, న్యూ ఢిల్లీ: బంగ్లాదేశ్​ లో మైనార్టీలే లక్ష్యంగా హిందువులపై జరుగుతున్న దాడులకు భారత్​ ఆందోళన వ్యక్తం చేసింది. శుక్రవారం ఎంఈఎ ప్రతినిధి రణధీర్​ జైస్వాల్​ ప్రకటన విడుదల చేశారు. మైనార్టీలకు రక్షణ కల్పించాల్సిన అవసరం తాత్కాలిక ప్రభుత్వానికి ఉందన్నారు. హిందువులే లక్ష్యంగా దాడులు జరుగుతున్నట్లు భారత్​ బంగ్లాదేశ్​ తో ఈ అంశాన్ని లేవనెత్తిందన్నారు. పెరుగుతున్న హింస, రెచ్చగొట్టే సంఘటనలపై భారత్​ ఆందోళన చెందుతోందన్నారు. ఈ పరిణామాలు కొట్టిపారేయలేమన్నారు. ఇప్పటికైనా మైనార్టీలు, హిందువులపై దాడులను బంగ్లాదేశ్​ ప్రభుత్వం అడ్డుకునే చర్యలను తీసుకోవాలని కోరారు. 

మరోవైపు బంగ్లాదేశ్​ ప్రభుత్వం ఇస్కాన్​ సంస్థలకు చెందిన బ్యాంకు అకౌంట్లను ఫ్రీజ్​​ చేసింది. ఇస్కాన్​ ఆర్థిక లావాదేవీలు అనుమానాస్పదంగా ఉన్నాయని గుర్తించినట్లు పేర్కొంది. చిన్మోయ్​ కృష్ణదాస్​ విడుదలకు బంగ్లాలో శనివారం కూడా నిరసనలు కొనసాగాయి. ఓ వైపు ముష్కరులు హిందువులు, మైనార్టీలపై దాడులు చేస్తున్న ఐక్యతగా నిలబడి నిరసనలు కొనసాగిస్తున్నారు. 
..............