జపాన్ జలాల్లో చైనా గూఢచార నౌక
Chinese spy ship in Japanese waters
టోక్యో: జపాన్ సముద్ర ప్రాదేశిక జలాల్లోని చైనా గూఢచారి నౌక ప్రవేశించడం కలకలం రేపింది. ఈ నౌకను శనివారం ఉదయం గుర్తించిన జపాన్ తీర రక్షణ దళాలు వెంబడించాయి. చైనా రాయబార కార్యాలయానికి తమ ఆందోళనను వ్యక్తం చేశాయి. జపాన్ యుద్ధ విమానాలు, నౌకలు గూఢచారి నౌకను వెంబడించడంతో ఆ నౌక వెనక్కి మళ్లింది.
జపాన్ నైరుతి ప్రావిన్స్ కగోషిమాలో చైనా నౌక చొరబడిందని జపాన్ తెలిపింది. రెండు గంటల అనంతరం తిరిగి వెళ్లిందని పేర్కొంది. గతంలో కూడా చైనా విమానం జపాన్ గగనతలంలోకి చొరబడింది. చైనా పలు దేశాలపై నిఘా ఉంచుతూ భయాందోళనలకు గురి చేయడం ఇదే మొదటిసారేం కాదు. భారత్, జపాన్, ఫిలిప్పీన్స్, శ్రీలంక, బంగ్లాదేశ్, స్విట్జర్లాండ్ ల తీరాలు, భూములపై కూడా చైనా కన్నేసింది.
