ముస్లిం జనాభా పెరుగుదలపై  సీఎం హిమంత బిశ్వ శర్మ ఆందోళన

డిస్ఫూర్​: అసోంలో పెరుగుతున్న ముస్లిం జనాభాపై ఆ రాష్ర్ట సీఎం హిమంత బిశ్వ శర్మ ఆందోళన వ్యక్తం చేశారు. బుధవారం ఆయన మీడియాతో మాట్లాడుతూ.. రాష్​ర్టంలో ముస్లిం జనాభా విపరీతంగా పెరిగిపోతోందన్నారు. 1951లో 12 శాంగా ఉన్న వారి జనాభా ప్రస్తుతం 40 శాతానికి చేరుకుందన్నారు. ఇది తమకు రాజకీయ సమస్య కాదని జీవన్మరణ సమస్య అని అన్నారు. ఇప్పటికే ఈ పరిణామం వల్ల తాము చాలా జిల్లాలను కోల్పోయామని శర్మ తెలిపారు. బంగ్లాదేశ్​ సరిహద్దును ఆనుకొని అసోం ఉండడంతో ఇక్కడి నుంచి అక్రమ వలసలు కొనసాగుతున్నాయి. వీటిపై చర్యలు తీసుకుంటామని చెప్పారు. బంగ్లాదేశ్​ నుంచి వచ్చిన ముస్లింలకు పౌరసత్వం చట్టం ప్రకారం పలు షరతులు విధిస్తామని శర్మ తెలిపారు. ఈ కమ్యూనిటీకి గుర్తింపు రావాలంటే వారు తప్పక కొన్ని నియమ నిబంధనలు పాటించాల్సిందే అని హిమంత బిశ్వ శర్మ తెలిపారు. బహుభార్యత్వం, బాల్యవివాహాలు, ఇద్దరు పిల్లలు లాంటి నిబంధనలకు కట్టుబడి ఉండాలన్నారు.