తప్పుడు ప్రకటనలపై సీసీపీఏ జరిమానాలు

నా తెలంగాణ, న్యూ ఢిల్లీ: యూపీఎస్సీ, సీఎస్సీ 2023 ఫలితాలపై తప్పుదారి పట్టించే ప్రకటనలు చేసినందుకు సెంట్రల్​ కన్జ్యూమర్​ ప్రొటెక్షన్​ అథారిటీ (సీసీపీఏ) వాజీరావు, రెడ్డి ఇన్​ స్టిట్యూట్​ లకు రూ. 7 లక్షలు, స్టడీ ఐక్యూ ఐఎఎస్​ ఇన్​ స్టిట్యూట్​ కు రూ. 10 లక్షల జరిమానా విధించింది. ఈ మూడు ఇన్​ స్టిట్యూట్​ లు పోటీ పరీక్షల్లో ఉత్తీర్ణత సాధించిన వారికి వందశాతం ఉద్యోగానికి హామీ ఇస్తున్నట్లు  తప్పుదోవ పట్టించాయి. దీంతో వినియోగదారుల హక్కు పరిరక్షణ చర్య కింద 2019లోని రక్షణ చట్టం ప్రకారం నిబంధనల ఉల్లంఘించడంపై చర్యలు తీసుకున్నట్లు సీసీపీఏ తెలిపింది. ఈ సంస్థలు చేసిన ప్రకటనల్లో సీసీపీఏ చేసిన దర్యాప్తులో వీరి తప్పిదం ఋజువైంది. తమ సంస్థల్లో శిక్షణ పొందిన విద్యార్థులకు ఉద్యోగాలు లభించాయనే విషయంపై ఆరా తీసింది. ఇవన్నీ బూటకపు ప్రకటనలే అని తేల్చింది. గతంలో కూడా సీసీపీఏ ఇలాంటి 22 కోచింగ్​ ఇన్​ స్టిట్యూట్​ లపై రూ. 71.60 లక్షల జరిమానా విధించింది.