స్వేచ్ఛను కాలరాస్తున్న బంగ్లా పరిస్థితులు

నా తెలంగాణ, న్యూ ఢిల్లీ: బంగ్లాదేశ్​ లో స్వేచ్ఛా హక్కులను కాలరాసే చర్యలు దేశ విభజన సమయాన్ని గుర్తు చేస్తున్నాయని సుప్రీంకోర్టు ప్రధాన న్యాయమూర్తి సీజేఐ చంద్రచూడ్​ ఆవేదన వ్యక్తం చేశారు. ఆగస్ట్​ 15 సందర్భంగా గురువారం సుప్రీంకోర్టులో భారత జాతీయ పతాకావిష్కరణ చేసిన అనంతరం చంద్రచూడ్​ న్యాయమూర్తులు, న్యాయవాదులను ఉద్దేశించి ప్రసంగించారు. 

చట్టాలు, న్యాయమూర్తులు, న్యాయవాదులు మంచిని, స్వేచ్ఛను సజీవంగా ఉంచడంలో కీలకపాత్ర పోషిస్తాయన్నారు. 

దేశానికి సహాయం చేయాల్సిన రాజ్యాంగ విలువలను కాపాడాల్సిన సమయం ఆసన్నమైందని తెలిపారు. స్వాతంత్ర్యం ప్రాముఖ్యతను నొక్కి చెప్పాలని విజ్ఞప్తి చేశారు. బంగ్లాదేశ్​ లో పరిస్థితులు ఎమర్జెన్సీని తలపిస్తున్నాయని ఆవేదన వ్యక్తం చేశారు. ఈ పరిస్థితుల్లో భారతీయులు సమిథులుగా మారడంపై ఆవేదన వ్యక్తం చేశారు. దేశంలోని చిట్టచివరి ప్రజల వరకు కూడా సమాన న్యాయం అందించే గురుతర బాధ్యత మనపైనే ఉందని గుర్తు చేశారు. బార్ కౌన్సిల్​ లో మహిళా సభ్యుల కోసం నూతన కార్యాలయం నిర్మించడం సంతోషకరమన్నారు. తన 25యేళ్ల అనుభవంలో సామాన్యుల జీవితాలను సులభతరం చేయడం ఎలా అనే దానిపైనే పని చేశానని, మహిళల గౌరవం కాపాడడం మన సంస్కృతిలో భాగమని జస్టిస్​ చంద్రచూడ్​ అన్నారు.