పాక్​ ఆర్మీపై బీఎల్​ ఎ దాడి

ఇస్లామాబాద్​: పాకిస్థాన్​ భద్రతా దళాలపై ఆదివారం బీఎల్​ ఎ (బలూచ్​ లిబరేషన్​ ఆర్మీ) విరుచుకుపడింది. బస్సులో ప్రయాణిస్తున్న జవాన్లపై ఆత్మాహుతి దాడికి దిగింది. ఈ దాడిలో 90మంది పాక్​ జవాన్లు మృతిచెందినట్లు బీఎల్​ ఎ ప్రకటించగా, పోలీసులు మాత్రం ఐదుగురు మృతి చెందినట్లు ప్రకటించారు. ట్రైన్​ హైజాక్​ తరువాత ఇది మరో పెద్ద దాడి. నౌషిక్​ హైవే ద్వారా వెళుతున్న పాక్​ ఆర్మీ జవాన్ల కాన్వాయ్​ పై కారులో భారీ మందుగుండు సామాగ్రితో ఢీకొట్టారు. దీంతో ఒక్కసారిగా భారీ పేలుడు చోటు చేసుకొని బస్సు పూర్తిగా కాలిబూడిదయ్యింది. అనంతరం విచక్షణా రహితంగా కాల్పులకు పాల్పడ్డారు. కాగా పాక్​ కాన్వాయ్​ లో వస్తున్న మిగతా వాహనాలు దూరంగా ఉండడంతో దాడి నుంచి తప్పించుకున్నారు. బీఎల్​ ఎ దాడిని వీరు ఎందుకు అడ్డుకోలేకపోయారనే ఆరోపణలు కూడా వినవస్తున్నాయి.