జమ్మూకశ్మీర్ లో బీజేపీ విజయం తథ్యం
పీవోకేని రాష్ర్టంలో కలుపుతాం యూపీ సీఎం యోగి ఆదిత్యనాథ్
శ్రీనగర్: జమ్మూకశ్మీర్ లో బీజేపీ ప్రభుత్వం ఏర్పడడం ఖాయమని, పీవోకేని రాష్ర్టంలో కలుపుతామని యూపీ సీఎం యోగి ఆదిత్యనాథ్ అన్నారు. జమ్మూకశ్మీర్ లోని రామ్ గడ్ లో గురువారం నిర్వహించిన ఎన్నికల సభలో సీఎం పాల్గొని ప్రసంగించారు. కాంగ్రెస్, ఎన్సీలపై తీవ్ర స్థాయిలో విరుచుపడ్డారు. ప్రత్యేక జెండాపై ఎన్సీ చెప్పిన దానికి మద్ధతిస్తారా? అని రాహుల్ గాంధీని సూటిగా ప్రశ్నించారు. పాక్ లో ప్రజాస్వామ్యాన్ని కాపాడుకునేందుకే దిక్కూ దివానం లేదన్నారు. ఆ దేశంలో తిండిగింజలకు కూడా కొరత ఉందని ఇక్కడి ప్రజలు తెలుసుకోవాలన్నారు. పీవోకే ప్రజలు స్వచ్ఛందంగా భారత్ లో కలవాలని కోరుకుంటున్నారని అన్నారు. పాక్ మానవత్వానికి శత్రువుగా పరిణమిస్తోందని ఇది ప్రపంచ మానవాళికి ప్రమాదకరమన్నారు.
370, 35ఏలను తిరిగి తీసుకురావాలని ఈ రెండు పార్టీలు ప్రయత్నిస్తున్నాయని తెలిపారు. వీటితో జాగ్రత్తగా ఉండాలన్నారు. అభివృద్ధిని కాంక్షించే ప్రధాని మోదీ ప్రభుత్వానికే మద్ధతు పలకాలని విజ్ఞప్తి చేశారు. ఇక్కడి యువతను తప్పుదోవ పట్టించాలని చూస్తున్నాయని ఆరోపించారు. ఉగ్రవాదం, రాళ్లదాడులు, వేర్పాటువాదం అనే దుశ్చర్యలకు పాల్పడేందుకు ఈ పార్టీలు తెరతీశాయని గుర్తించాలన్నారు. ప్రధాని నరేంద్ర మోదీ బీజేపీ లు దేశాభివృద్ధి, యువత బంగారు భవిష్యత్ కు బాటలు వేస్తున్నాయని తెలుసుకోవాలని యోగి ఆదిత్యనాథ్ స్పష్టం చేశారు.
