లోయలో పడిన ఆర్మీ వాహనం నలుగురు జవాన్లు మృతి

ఇద్దరికీ తీవ్ర గాయాలు

శ్రీనగర్​: జమ్మూకశ్మీర్‌లోని బందిపొరా జిల్లాలో శనివారం మధ్యాహ్నం ఆర్మీ ట్రక్కు లోయలో పడిపోయింది. ఈ ప్రమాదంలో నలుగురు జవాన్లు మరణించారు. ఇద్దరు జవాన్లకు తీవ్ర గాయాలయ్యాయి. వారిని సమీపంలోని ఆసుపత్రిలో చేర్చారు. ఈ వాహనంలో ఆరుగురు జవాన్లు ప్రయాణిస్తున్నట్లు సమాచారం. ఈ ప్రమాదం ఎస్కే పయీన్​ అనేప్రాంతంలో జరిగిందని అధికారులు వివరించారు. ప్రస్తుతం రెస్క్యూ ఆపరేషన్​ లో ఉన్నందున సాయంత్రం వరకూ పూర్తి వివరాలను అందజేస్తామని తెలిపారు.
డిసెంబర్​ 24న పూంచ్​ జిల్లాలో ఆర్మీ వ్యాన్​ 350 అడుగుల లోతైన లోయలో పడగా ఐదుగురు మృతి చెందారు. 11 మందికి గాయాలయ్యాయి.