ఫిబ్రవరి 5న మిల్కిపూర్​ ఉప ఎన్నిక  ప్రకటించిన సీఈసీ

లక్నో: ఉత్తరప్రదేశ్​ అయోధ్యలోని మిల్కిపూర్​ అసెంబ్లీ ఉప ఎన్నిక తేదీని ఈసీ ప్రకటించింది. మంగళవారం సీఈసీ రాజీవ్​ కుమార్​ మీడియాకు వివరాలందించారు. ఫిబ్రవరి 5న ఎన్నికలు జరగనుండగా, 8న ఓట్ల లెక్కింపు, ఫలితాలను ప్రకటించనున్నట్లు తెలిపారు. జనవరి 10న నోటిఫికేషన్​ జారీ, 17న నామినేషన్లకు చివరి తేదీ, 18న నామినేషన్ల పరిశీలన, 20న నామినేషన్ల ఉపసంహరణకు చివరి తేదీగా నిర్ణయించారు. 2022లో ఎస్పీ నుంచి అవధేష్​ ప్రసాద్​ ఈ స్థానం నుంచి గెలుపొందారు. 2024లో ఆయన అయోధ్య ఎంపీగా గెలుపు సాధించారు. దీంతో అసెంబ్లీ స్థానం ఖాళీ అయింది. కాగా ఈ ఉప ఎన్నికల్లో బీఎస్పీ అధినేత్రి మాయావతి పోటీ చేయబోనని ప్రకటించింది. 2024 తొమ్మిది స్థానాలకు జరిగిన ఉప ఎన్నికల్లో బీఎస్పీ చతికిలపడింది. దీంతో మాయావతి మనస్థానం చెందింది. దీంతో బీజేపీ, ఎస్పీ మధ్యే ప్రధాన పోటీ నెలకొంది.