తాత్కాలిక అధ్యక్షుడిపై అభిశంసనకు ఆమోదం

సియోల్​: దక్షిణ కొరియా తాత్కాలిక అధ్యక్షుడు హన్​ దుక్​ సూపై ​ సూపై అభిశంసన తీర్మానం ఆమోదం పొందింది. శుక్రవారం  సియోల్​ పార్లమెంట్​ భవన్​ లో అభిశంసనపై ఓటింగ్​ నిర్వహించారు. 300మంది సభ్యులకు గాను 192 మంది అభిశంసనకు అనుకూలంగా ఓటు వేశారు. సూ పక్షం నాయకులు ఓటింగ్​ ను బహిష్కరించారు. పదిరోజుల క్రితం అధ్యక్షుడు యూన్​ సుక్​ యోల్​ దక్షిణ కొరియాలో ఎమర్జెన్సీని విధించారు. దీనిపై తీవ్ర విమర్శలు రావడం, ఆందోళనలు చెలరేగడంతో రాత్రికి రాత్రే వెనక్కి తగ్గి ఎమర్జెన్సీని ఎత్తేస్తున్నట్లు ప్రకటించారు. అత్యవసర కేబినెట్​ భేటీలో ఆయనపై అభిశంసన తీర్మానం ప్రవేశపెట్టగా అది ఆమోదం పొంది పదవీచ్యుతడయ్యారు. దీంతో తాత్కాలిక అధ్యక్షుడుగా హన్​ దుక్​ సూ ఎంపికయ్యారు. ప్రస్తుతం సూ పై కూడా అభిశంసన కలవరం రేపుతుంది. ఈయన తరువాత తాత్కాలిక అధ్యక్షుడి రేసులో ఆ దేశ ఆర్థికమంత్రి చోయ్​ సాంగ్​ మోక్​ ఉన్నారు. 
అభిశంసనపై తాత్కాలిక అధ్యక్షుడు హన్​ దుక్​ సూ మీడియాతో మాట్లాడుతూ.. చట్టాన్ని గౌరవిస్తానన్నారు. రాజ్యాంగ నిర్ణయం కోసం వేచి చూస్తానని తెలిపారు. కాగా అభిశంసన నిర్ణయం కోర్టుకు వెళ్లనుంది. కోర్టు ఆమోదం పొందేందుకు 180 రోజుల సమయం పట్టనుంది. కోర్టు అభిశంసన ఓటింగ్​ ను ఆమోదిస్తుందా? లేదా? అనే దానిపై టెన్షన్​ నెలకొంది.