ఝార్ఖండ్​ తొలివిడతకు అన్ని ఏర్పాట్లు పూర్తి

సమస్యాత్మక ప్రాంతాల్లో హెలికాప్టర్ల ద్వారా సిబ్బంది తరలింపు
రెండు వందల కంపెనీల పారామిలటరీ బలగాల మోహరింపు

రాంచీ: ఝార్ఖండ్​ తొలి విడత అసెంబ్లీ ఎన్నికలకు ఈసీ అన్ని ఏర్పాట్లు పూర్తి చేసింది. బుధవారం తొలి విడత ఎన్నికలు 43 స్థానాల్లో జరగనున్నాయి.  మంగళవారం మధ్యాహ్నాం వరకు పోలింగ్​ బృందాలు ఆయా ప్రాంతాలకు చేరుకున్నాయి. ఝార్ఖండ్​ వ్యాప్తంగా 225 సున్నిత ప్రాంతాలను గుర్తించారు. ఆ ప్రాంతాల్లో భారత వాయుసేన సహకారంతో హెలికాప్టర్ల ద్వారా 194 పోలింగ్​ బృందాలను తరలించారు. రాష్​ర్ట వ్యాప్తంగా 15,344 పోలింగ్​ కేంద్రాలు, రెండు వందల కంపెనీల పారామిలటరీ బలగాలను ఏర్పాటు చేశారు. పశ్చిమ సింగ్‌భూమ్, లతేహర్, లోహర్‌దగా, గర్వా,  గుమ్లా ఐదు జిల్లాల్లోని కొన్ని పోలింగ్​ బూత్​ లను అత్యంత సమస్యాత్మకమైనవిగా గుర్తించారు. ఝార్ఖండ్​ లో జరిగే అసెంబ్లీ ఎన్నికలకు రాష్​ర్ట వ్యాప్తంగా 73 మంది మహిళలతో సహా 683 మంది అభ్యర్థులు పోటీలో ఉన్నారు. వీరి రాజకీయ భవిష్యత్​ ను 1.37 కోట్ల మంది ఓటర్లు తేల్చనున్నారు. తొలివిడతలో 43, రెండో విడత 20న 38 నియోజకవర్గాల్లో పోలింగ్​ జరగనుంది. నవంబర్​ 23న ఓట్ల లెక్కింపు చేపట్టనున్నారు.