ఆప్​ పై చర్యలు ఢిల్లీ ఎల్జీ

నా తెలంగాణ, న్యూ ఢిల్లీ: ఎల్జీ (లెఫ్ట్​ నెంట్​ గవర్నర్​)పై ఆప మహిళా నాయకురాలు అతిషి తీవ్ర ఆరోపణలపై ఎల్జీ వినయ్​ కుమార్​ సక్సేనా మండిపడ్డారు. ఆమె వ్యాఖ్యలపై చర్యలుంటాయని శనివారం ఆయన హెచ్చరించారు. ఢిల్లీలో ఓటు హక్కు వేసిన అతిషి మీడియాతో మాట్లాడుతూ.. శుక్రవారం రాత్రి ఢిల్లీ పోలీసులతో ఎల్జీ సమావేశం జరిపారన్నారు. ఈ సమావేశంలో ఆప్​ పార్టీకి అనుకూలంగా ఓటింగ్​ ఉన్న ప్రాంతాల్లో పోలింగ్​ ను నెమ్మదించేలా చర్యలు తీసుకోవాలన్నారని ఆరోపించారు. దీనిపై ఈసీకి కూడా ఫిర్యాదు చేస్తామని ఆమె ఆరోపించారు. ఈ నేపథ్యంలో ఎల్జీ వినయ్​ కుమార్​ సక్సేనా మాట్లాడుతూ.. పోలింగ్​ ఈసీ పరిధిలోని అంశమన్నారు. దాన్ని ఎవ్వరూ నెమ్మదించలేరన్నారు. ఓటర్లంతా ఉత్సాహంతో ఓటింగ్​ లో పాల్గొంటుంటే లేని పోని ఆరోపణలు చేస్తూ తమపై బురద జల్లుతున్నారని మండిపడ్డారు. అతిషి ఆరోపణలపై చర్యలుంటాయని ఎల్జీ స్పష్టం చేశారు.