బలూచ్​ లో 542 పాఠశాలలు మూసివేత

ఆర్థిక సంక్షోభమే కారణమని ఉపాధ్యాయుల ఆరోపణ
మొత్తం 3,694 పాఠశాలల మూసివేత
12 లక్షలమంది పిల్లల భవిష్యత్​ అగమ్యగోచరం

ఇస్లామాబాద్​: పాక్​ లోని బెలూచిస్తాన్​ లో 542 పాఠశాలలను ప్రభుత్వం మూసివేసింది. పాఠశాలల మూతకు ఆర్థిక సంక్షోభమే కారణమని ఉపాధ్యాయులు ఆరోపించారు. ఎంతోమంది పిల్లల విద్యావకాశాలు గందరగోళంలో పడ్డాయన్నారు. ఈ పాఠశాలల నిర్వహణకు, బోధనకు 16వేల మంది ఉపాధ్యాయులు అవసరం అవడంతో పాక్​ ప్రభుత్వం ఈ నిర్ణయాన్ని తీసుకుంది. బలూచ్​ ప్రావిన్స్​ లో ఈ నిర్ణయంపై తీవ్ర ఆందోళన, నిరసన, ఆగ్రహావేశాలు వ్యక్తం అవుతున్నాయి. దీంతో పాక్​ లో ఇప్పటివరకూ మూతపడిన పాఠశాలల సంఖ్య 3,694కు చేరింది. అత్యధికంగా పిషిన్​ లో 254 పాఠశాలలు మూతపడగా, డేరాబుగ్తీలో 13 పాఠశాలలు మూసివేసింది. పాక్​ ప్రభుత్వం చర్యల వల్ల 12 లక్షల మంది పిల్లల భవితవ్యం గందరగోళంలో పడింది.