28శాతానికి సెమీ కండక్టర్ల డిమాండ్​

నా తెలంగాణ, న్యూ ఢిల్లీ: భారత్​ లో సెమీ కండక్టర్ల డిమాండ్​ 2026 చివరి నాటికి 28 శాతానికి పెరుగుతుందని క్యాప్​ జెమినీ రీసెర్చ్​ ఇన్​ స్టిట్యూట్​ (సీఆర్​ఐ) మంగళవారం వెలువరించిన నివేదిక వెల్లడించింది. 29 శాతానికి కూడా చేరుకోవచ్చని పేర్కొంది. ఎఐ చిప్​ లు, కస్టమ్​ సిలికాన్​ చిప్​ లు, మెమరీ ఇంటెన్సివ్​ చిప్​ లకు అత్యధిక డిమాండ్​ ఉండనుందని స్పష్టం చేసింది. 88 శాతం ప్రపంచ సంస్థలతో పోలిస్తే, ఎఐ సాంకేతికత కోసం రూపొందించిన చిప్​ లకే అధిక డిమాండ్​ ఉండనుందని తమ సర్వేలో తేలినట్లు సీఆర్​ ఐ స్పష్టం చేసింది. భారత్​ లో ఉన్న చిప్​ ల తయారీ సంస్థలు పెద్ద, మధ్య తరహా, చిన్నతరహా పరిశ్రమల వృద్ధికి కారణమవుతుందని తెలిపింది. 54 శాతం భారతీయ సంస్థలు ఇప్పటికే కస్టమ్​ సిలికాన్​ చిప్​ లను ఉపయోగిస్తున్నాయి. జీపీయూ కంప్యూటింగ్​ లోనూ పురోగతి అత్యధికంగా ఉంటుందని 45 శాతం భావిస్తున్నట్లు సీఆర్​ ఐ పేర్కొంది. మెరుగైన భద్రత ఉత్పత్తులకు అధిక ప్రాధాన్యం లభిస్తున్నందున అగ్రశ్రేణి సాంకేతిక ఆవిష్కరణలకు మరింత ఊతం లభిస్తుందన్నారు. 52 శాతం మంది భవిష్యత్​ లో సెమీకండక్టర్​ పరిశ్రమ రంగం భవిష్యత్​ అవసరాలను తీర్చే వేగవంతమైన ఆవిష్కరణలను కొనసాగిస్తుందని విశ్వసిస్తున్నట్లు తమ నివేదికలో స్పష్టమైందని సీఆర్​ఐ తెలిపింది.