చైనా ఆక్రమణలకు అమెరికా మోకాలడ్డు

వాషింగ్టన్​: చైనా ఆక్రమణలకు అమెరికా మోకాలడ్డింది. టిబెట్​ పై చైనా ఆక్రమణకు వ్యతిరేకంగా గురువారం అమెరికా సెనెట్​ ఇరు సభల్లో 'రిసాల్వ్ టిబెట్ యాక్ట్' బిల్లు ఆమోదం పొందింది. శుక్రవారం ఈ విషయాన్ని వెల్లడిస్తూ టిబెటన్ అధికారి సిక్యోంగ్ పెన్పా త్సెరింగ్ అమెరికన్ చట్టసభ సభ్యులకు కృతజ్ఞతలు తెలుపుతూ పోస్ట్ చేశారు. జూన్​ 18న దలైలామాను కలిసేందుకు అమెరికా మాజీ స్పీకర్​ నాన్సీ పెలోసీ భారత్ హిమాచల్​ ప్రదేశ్​ కు రానున్నారు. జీ–7 సదస్సు ముగిశాక ఈ బిల్లుపై అమెరికా అధ్యక్షుడు జో బైడెన్​ సంతకం చేయనున్నారు. కాగా ఈ బిల్లు ఆమోదంపై చైనా అగ్గిమీద గుగ్గిలమవుతోంది. బిల్లు ఆమోదంతో అహింసా మార్గంపై పోరాడేందుకు టిబెటన్లకు మరింత బలం చేకూరినట్లయ్యింది.

13వ శతాబ్ధం నుంచి టిబెట్​ చైనాలో అంతర్బాగమని చైనా చెబుతోంది. 1950లో టిబెట్​ ను చైనా ఆక్రమించింది. దీన్ని దలైలామా తీవ్రంగా వ్యతిరేకించారు. ఆయనపై చైనా యుద్ధాన్ని ప్రకటించింది. దీంతో దలైలామాకు భారత్​ లో ఆశ్రయం పొందుతున్నారు. ఈ పరిణామం కూడా భారత్​ –చైనా 1962 యుద్ధానికి ఒక కారణంగా చెబుతారు. కాగా టిబెట్​ స్వాతంత్ర్యనికి పెలోసీ విశేష కృషి చేశారు.