ఒక్కటిస్తాం..

నా తెలంగాణ, న్యూ ఢిల్లీ: ఇండికూటమిలోని ప్రధాన పార్టీ కాంగ్రెస్​ కు ఆప్​ ఝలక్​ ల మీద ఝలక్లిస్తోంది. ఢిల్లీలో సీట్ల వ్యవహారం త్వరగా తేల్చకుంటే కాంగ్రెస్​ కు ఒక్కటంటే ఒక్కటే సీటు ఇస్తామని, తాము అభ్యర్థులను ప్రకటించేస్తామని పార్టీ నేత సందీప్​ పాఠక్​ మంగళవారం మీడియాతో మాట్లాడుతూ కుండబద్ధలు కొట్టారు.ఢిల్లీ పార్లమెంట్​ లో మొత్తం ఏడు సీట్లున్నాయి. ఆరింటిలో తాము పోటీలోకి దిగుతామని ఒక్కటి మాత్రం హస్తం పార్టీ పోటీ చేయొచ్చని పేర్కొంది. వీలైనంత త్వరలో నిర్ణయం చెప్పకుంటే ఆ స్థానంలో కూడా ఆప్​ పార్టీ అభ్యర్థిని నిలబెడతామని హెచ్చరించింది. 
అయితే ఇటీవలే ఆప్​ అధినేత, సీఎం కేజ్రీవాల్​ పంజాబ్​  తరన్​ తరన్​ జిల్లాలో జరిగిన ఓ సభలో మాట్లాడుతూ.. ఢిల్లీలో ఏడింటికి ఏడు పార్లమెంట్​ స్థానాలను తాము కైవసం చేసుకుంటామని బహిరంగంగానే ప్రకటించారు. పంజాబ్​ లోని 13 సీట్లను ఆమ్​ ఆద్మీ పార్టీ కైవసం చేసుకుంటుందని పంజాబ్​ సీఎం భగవంత్​ మాన్​ కూడా ప్రకటించారు. ఈ నేపథ్యంలో ఆమ్​ ఆద్మీ పార్టీ ఇండి కూటమి ప్రధాన పార్టీ కాంగ్రెస్​ తో కాకుండా సింగిల్​ గానే పోటీలోకి అన్ని స్థానాల్లో తమ అభ్యర్థులను దింపాలని నిర్ణయించుకున్నట్లు తెలుస్తోంది. 
ఇప్పటికే కాంగ్రెస్​ పార్టీకి,జేడీయూ, టీఎంసీలు టాటా చెప్పిన విషయం తెలిసిందే. ఇక మిగతా పార్టీలు ఆర్​ జేడీ,ఎస్పీ, బీఎస్పీ, ఇతర పార్టీలు కూడా కాంగ్రెస్​ పార్టీ సీట్ల వ్యవహారంపై తమకేమి పట్టనట్లుగా తమ అభ్యర్థులను ఆయా స్థానాల్లో నిలబెట్టే సన్నాహాల్లో ఉన్నాయి.