లోగో రూపొందించింది డీఎంకే పార్టీ నేత కుమారుడే!

నా తెలంగాణ, న్యూ ఢిల్లీ: రూపాయి లోగో మార్పు వివాదం కొనసాగుతుంది. బీజేపీ నాయకురాలు, ఆర్థిక శాఖ మంత్రి నిర్మలా సీతారామన్​ సీఎం ఎంకె. స్టాలిన్​ నిర్ణయంపై మండిపడ్డారు. శుక్రవారం ఆమె మాట్లాడుతూ.. లేనిపోని ఆరోపణలు చేయడం మానుకోవాలన్నారు. తమిళ భాషకే గాక దేశంలోని అన్ని భాషలకు సమప్రాధాన్యతను కల్పించినది మోదీ ప్రభుత్వమేనన్నారు. 

కాగా రూపాయి లోగోను రూపొందించింది ఎంకె స్టాలిన్​ డీఎంకే పార్టీకి చెందిన మాజీ ఎమ్మెల్యే ఎన్​ ధర్మలింగం కుమారుడు ప్రొఫెసర్​ ఉదయ్​ కుమార్​ ధర్మలింగం కావడం విశేషం. లోగో రూపొందించడంపై మీడియాతో ఈయన కూడా మాట్లాడారు. తమిళనాడు ప్రభుత్వం చిహ్​నాం మార్పు వెనుక గల కారణాలు తనకు తెలియదన్నాడు. మార్పునకు ప్రభుత్వం స్వంత పద్ధతులు, ఆలోచనలు, కారణాలు అయి ఉండొచ్చని అభిప్రాయం వ్యక్తం చేశారు. తాను రూపొందించిన రూపాయి లోగో వివాదానికి కేంద్రబిందువు కావడం దురదృష్టకరమన్నారు. 

ఐఐటీ గుహవాటి ప్రొఫెసర్​ అయిన ఉదయ్​ కుమార్​ ధర్మలింగం రూపాయి లోగో రూపకల్పనలో అనేక నియమ నిబంధనలు పాటించాడు. దేవనాగరి లిపిని అనుసరించాడు. దీంతోపాటు రోమన్​ పెద్ద అక్షరం (R–ఆర్​)ను ఉపయోగించాడు. వీటి రెండింటికి తోడు దేవనాగరి లిపికి ప్రత్యేకమైన క్షితిజ సమాంతర రేఖను మధ్యలో రూపొందించాడు. ఈ రేఖ త్రివర్ణ భారత జెండా ప్రేరణగా తీసుకున్నాడు. ఈ రూపాయి లోగో రూపకల్పనకు అనేకమంది పోటీ పడగా, ధర్మలింగం రూపొందించిన లోగోను కేంద్రం ఓకే చేసింది. ఇందుకు గాను ఉదయ్​ కుమార్​ ధర్మలింగానికి రూ. 2.50 లక్షల బహుమతి కూడా అందింది. 2010 జూలై 15 నుంచి నూతన లోగో చిహ్నాన్ని ఆమోదించారు.