46యేళ్ల తరువాత తెరుచుకున్న దేవాలయం తలుపులు

లక్నో: ఉత్తరప్రదేశ్​ లోని సంభాల్​ లో హింస జరిగిన ప్రాంతంలో ఉన్న దేవాలయ తలుపులను 46 యేళ్ల తరువాత తెరిచారు. ఈ దేవాలయంలో హనుమంతుడి విగ్రహంతోపాటు శివలింగం ఉంది. శనివారం ఉదయం పోలీసుల సహాయంతో ఆలయ పూజారీ విష్​ణు శరణ్​ రస్తోగి మందిరం తలుపులు తెరిపించారు. ఆలయాన్ని శుభ్రం చేశారు. 1978లో మూతపడిన ఆలయం తిరిగి ఈ రోజు తెరుచుకోవడం సంతోషకరమన్నారు. 1978 తరువాత ఇక్కడ ఉన్న ఇల్లును అమ్మి ఖగ్గు సరాయ్​ అనే ప్రాంతంలో తాము నివిస్తున్నామన్నారు. ఆలయ పోషణకు పూజారులను నియమించినా వారు ఇక్కడ ఉండేందుకు సాహసించలేదన్నారు. దీంతో ఆలయం మూతపడిందన్నారు. ఆలయం ముందు ఉన్న బావి ప్రాంతాన్ని మూసివేయడంతో పోలీసులు కూలీల సహాయంతో మట్టిని తీయించారు. 

కాగా సంభాల్​ మసీదు వివాదంపై పోలీసులు మాట్లాడుతూ.. ఈ ప్రాంతంలో అనధికారికంగా విద్యుత్​ వినియోగిస్తున్న ఇళ్లకు అధికారులు కరెంట్​ కనెక్షన్​ ను తొలగించారన్నారు. మసీదు ప్రాంతంలో లౌడ్​ స్పీకర్ల వినియోగం తనిఖీకి రాగా లోపల 59 ఫ్యాన్లు, ఫ్​రిజ్​ లు, వాషింగ్​ మెషిన్లు అక్రమ విద్యుత్​ కనెక్షన్​ తో నడుస్తున్నాయని గుర్తించామని, విద్యుత్​ అధికారులకు సమాచారం అందజేశామన్నారు.