గ్రీస్​ అధ్యక్షుడిగా టస్సౌలాస్​ ఎన్నిక!

ఎథెన్స్​: గ్రీస్​ నూతన అధ్యక్షుడిగా మాజీ పార్లమెంట్​ స్పీకర్​ కాన్సాంటైన్​ టస్సౌలాస్​  (66)ఎన్నికయ్యారు. బుధవారం ఆయన ఎన్నికను గ్రీస్​ పార్లమెంట్​ ఆమోదించింది. టస్సౌలాస్​ న్యాయవాది. గతంలో గ్రీస్ సాంస్కృతిక మంత్రి, డిప్యూటీ రక్షణ మంత్రిగా కూడా పనిచేశారు. 300 సీట్ల పార్లమెంటులో జరిగిన ఓటింగ్‌లో 160 మంది ఎంపీల మద్దతు లభించడంతో ఆయన ఎన్నికకు పూర్తి మెజార్టీ లభించింది. కాగా ప్రస్తుతం గ్రీస్​ తొలి మహిళా అధ్యక్షురాలిగా ఉన్న కాటెరినా సకెల్లారోపౌలౌ పదవీకాలం మార్చితో ముగుస్తుంది. మార్చి 13న టస్సౌలాస్​ బాధ్యతలు చేపట్టనున్నారు. రాజకీయ అనుభవం, ఆయన స్ఫూర్తికర విధానాన్ని బట్టే టస్సౌలాస్​ ను ఎన్నుకుంటామని ప్రధానమంత్రి కిరియాకోస్​ మిత్సోటాకిస్​ గతంలోనే చెప్పారు.