మార్చి 3 నుంచి మహా బడ్జెట్​ సమావేశాలు

ముంబాయి: మహారాష్ట్ర శాసనసభ బడ్జెట్​ సమావేశాలు మార్చి 3 నుంచి ప్రారంభం కానున్నాయి. 10వ తేదీన బడ్జెట్​ ప్రవేశపెట్టనున్నట్లు ఆదివారం ఆ రాష్ట్ర ప్రభుత్వం ప్రకటన విడుదల చేసింది. శాసనసభ సమావేశాల నిర్వహణపై సలహా కమిటీ సమావేశం విధాన భవన్​ లో కొనసాగింది. శాసనమండలి చైర్మన్ రామ్ షిండే, స్పీకర్ రాహుల్ నర్వేకర్, ముఖ్యమంత్రి దేవేంద్ర ఫడ్నవీస్, ఉప ముఖ్యమంత్రులు ఏక్‌నాథ్ షిండే, అజిత్ పవార్, పార్లమెంటరీ వ్యవహారాల మంత్రి చంద్రకాంత్ పాటిల్, పలువురు మంత్రులు, ఎమ్మెల్యేలు ఈ సమావేశానికి హాజరయ్యారు. మహారాష్ర్టలో సభా కార్యక్రమాల నిర్వహణ, కేటాయింపులు, ప్రతిపక్షాలను ధీటుగా ఎదుర్కొనే పలు అంశాలపై అంతర్గతంగా చర్చించారు. కర్ణాటక సరిహద్దు వివాదం కూడా సమావేశంలో చర్చకు వచ్చినట్లు తెలుస్తుంది. కాగా అసెంబ్లీ సమావేశాల్లో ఈ అంశంపై ప్రతిపక్షాలను నిరోధిస్తూనే ఏ విధంగా ముందుకు వెళతారనేది ఆసక్తికరంగా మారింది.