తాజ్​ హిందూ దేవాలయమే! బీజేపీ నేత సంగీత్​ సోమ్​

లక్నో: తాజ్​ మహల్​ హిందూ దేవాలయంగా ఉండేదని, హిందూ దేవాలయంగానే కొనసాగాలని బీజేపీ నేత సంగీత్​ సోమ్​ డిమాండ్​ చేశారు. భారత్​ సనాతనులకు మాత్రమే భూమి అన్నారు. శనివారం యూపీలోని ముజఫర్​ నగర్​ లో శ్రీరామ మందిర ప్రాణ ప్రతిష్ఠ తొలి వార్షికోత్సవ వేడుకల సందర్భంగా హిందూ సంఘాల ఆధ్వర్యంలో జరిగిన ఊరేగింపులో సంగీత్​ సోమ్​ పాల్గొన్నారు. అసలు ఆ ప్రాంతంలో తాజ్​ మహల్​ లాంటిదే లేదన్నారు. హిందూ దేవాలయమే ఉండిందన్నారు. నేడు సనాతన పర్వదినాన్ని ప్రతీ హిందువు జరుపుకుంటున్నారని హర్షం వ్యక్తం చేశారు. ఏ సమాధిపైనా ఎటువంటి భవనం, శాశ్వత భవనం నిర్మించలేమన్నారు. సనాతన భక్తుల మనోధైర్యాన్ని బీజేపీ పెంచిందన్నారు. ఆక్రమణదారులు దేశంలో మందిరాలపై మసీదులు నిర్మించారని ఆరోపించారు. వక్ఫ్​ బోర్డు ఉగ్రవాదులు, గూండాల సంస్థగా అభివర్ణించారు. వక్ఫ్​ భూమి కేవలం పాక్​ లో మాత్రమే ఉందన్నారు. అక్రమ మదర్సాలపై చర్యలు తీసుకోవాలని సంగీత్​ సోమ్​ డిమాండ్​ చేశారు.