సింగిల్​ విండోతో మైనింగ్​ రంగం బలోపేతం

నా తెలంగాణ, న్యూ ఢిల్లీ: పీఐఎంఎస్​ (ప్రాజెక్ట్​ ఇన్ఫర్మేషన్​ మాడ్యూల్​ సిస్టం) ద్వారా బొగ్గు గనుల కేటాయింపు, పర్యవేక్షణ, రక్షణ, ఉత్పత్తి పనితీరును పర్యవేక్షిస్తున్నట్లు తెలంగాణ రాష్ట్ర బీజేపీ అధ్యక్షుడు, కేంద్ర బొగ్గు, గనుల శాఖ మంత్రి జి.కిషన్​ రెడ్డి వివరించారు. సోమవారం రాజ్యసభలో ఓ ప్రశ్నకు సమాధానం ఇచ్చారు. బొగ్గు గనుల లో సింగిల్​ విండో సిస్టమ్​ ను ఏర్పాటు చేశామన్నారు. విద్యుత్​, స్టీల్​ ఉత్పత్తి కోసం విరివిగా బొగ్గు సరఫరా చేస్తున్నట్లు వివరించారు. ఈ సందర్భంగా ప్రశ్నను లేవనెత్తిన ఎంపీ మాట్లాడుతూ.. కేంద్రమంత్రి సమాధానంపై సంతృప్తి వ్యక్తం చేస్తూ, ఈ రంగంపై అత్యంత సూక్ష్మదృష్టితో బొగ్గు గనుల శాఖ మంత్రి పనిచేస్తున్నట్లు సమాధానంతో గుర్తించానని ధన్యవాదాలు తెలిపారు. అనంతరం రాజ్యసభ చైర్మన్​ జగదీప్​ ధంఖర్ మాట్లాడుతూ​ కేంద్రమంత్రి జి.కిషన్​ రెడ్డి సింగిల్​ విండో సిస్టమ్​ అద్భుతమైనదని కీర్తించారు. 

 సింగి విండో క్లియరెన్స్​ సిస్టమ్..
సింగిల్ విండో క్లియరెన్స్ సిస్టమ్ అనేది దేశంలోని బొగ్గు గనుల నిర్వహణ కోసం వివిధ అనుమతులను పొందేందుకు ఒక వేదికను రూపొందించడానికి బొగ్గు మంత్రిత్వ శాఖ కేంద్రమంత్రి జి.కిషన్​ రెడ్డి ఆధ్వర్యంలో వినూత్న ప్రయత్నానికి శ్రీకారం చుట్టారు. ఈ విధానాన్ని పూర్తిగా చట్టబద్ధం చేశారు. ఈ విధానం ద్వారా తవ్వకాల ప్రణాళిక, మైన్ క్లోజర్ ప్రణాళిక ఆమోదం, మైనింగ్ లీజు మంజూరు, పర్యావరణం, అటవీ అనుమతులు, వైల్డ్ లైఫ్ క్లియరెన్స్, భద్రత, ప్రాజెక్ట్ ప్రభావిత కుటుంబాల పునరావాసం, కార్మికుల సంక్షేమం మొదలైనవి చేపడుతున్నారు. ఈ అనుమతులను వివిధ కేంద్ర మంత్రిత్వ శాఖలు, వివిధ రాష్ర్టాల ప్రభుత్వ విభాగాలు ఏజెన్సీలు మంజూరు చేస్తాయి. అనుమతుల మంజూరు కోసం ఈ ఏకీకృత వేదిక ద్వారా కేంద్రమంత్రి జి.కిషన్​ రెడ్డి ప్రధాని మోదీ సహకారంతో సింగిల్​ విండో సిస్టమ్​ కు శ్రీకారం చుట్టి మైనింగ్​ రంగంలో నూతన ఒరవడిని చాటారు.