పవన్ వ్యాఖ్యలపై డీఎంకే గరం గరం
ఎవరైనా చెప్పండి ప్లీజ్: ప్రకాశ్ రాజ్
నా తెలంగాణ, హైదరాబాద్: ప్రముఖ నటుడు, జనసేన అధినేత, డిప్యూటీ సీఎం పవన్ కళ్యాణ్ తమిళనాడుపై చేసిన వ్యాఖ్యలపై అగ్గిరాజేసుకున్నట్లు కనబడుతుంది. జనసేన వ్యవస్థాపక దినోత్సవంలో హిందీని వ్యతిరేకిస్తున్న తమిళనాడుపై, డీఎంకే నేతలపై పలు ప్రశ్నలు సంధించారు. ఈ నేపథ్యంలో శనివారం పలువురు సినీ, రాజకీయ వర్గాలు పవన్ కళ్యాణ్ వ్యాఖ్యలు అర్థరహితమని ప్రకటించారు. సోషల్ మాధ్యమంగా కూడా వేల సంఖ్యలో విభిన్న అభిప్రాయాలు వినిపిస్తున్నాయి. పవన్ హిందీ భాషను ఎందుకు వ్యతిరేకిస్తున్నారని నిలదీశారు. తమిళ సినిమాలను హిందీ భాషలో డబ్ చేస్తూ ఉత్తరాది రాష్ర్టాల నుంచి నిర్మాతలు కోట్లు ఆర్జిస్తున్నారని అన్నారు. కాగా పవన్ వ్యాఖ్యలపై డీఎంకే నేతలు వ్యాఖ్యనిస్తూ తాము హిందీని వ్యతిరేకించడం లేదని, ఆ భాషను తమపై రుద్దవద్దు అని మాత్రమే అంటున్నామని వివరించారు. ప్రముఖ సినీ నటుడు ప్రకాశ్ రాజ్ ఒక అడుగు ముందుకు వేసి మీ హిందీ భాషను మా మీద రుద్దకండి అని చెప్పడం ఇంకో భాషను ద్వేషించడం కాదన్నారు. స్వాభిమానంతో మా మాతృభాషను, మా తల్లిని కాపాడుకోవడమేనని చెప్పారు. పవన్ కళ్యాణ్ కు ఎవరైనా చెప్పాలి ప్లీజ్ అంటూ ట్వీట్ చేశారు.
