సెర్బియా పార్లమెంట్ లో స్మోక్ బాంబు దాడి
Smoke bomb attack in Serbian Parliament
బెల్ గ్రేడ్: సెర్బియా పార్లమెంట్ లో పొగ (స్మోక్) బాంబులు పేలాయి. మంగళవారం పార్లమెంట్ లో చెలరేగిన అధికార, ప్రతిపక్షాల మధ్య వాగ్వాదం కాస్త తీవ్ర రూపం దాల్చడంతో ప్రతిపక్ష ఎంపీలు పొగ బాంబులను విసిరాయి. సెర్బియన్ ప్రోగ్రెసివ్ పార్టీ నేతృత్వంలోని పాలక సంకీర్ణం సెషన్ కోసం అజెండాను ఆమోదించిన వెంటనే ప్రతిపక్ష నేతలు స్పీకర్ కుర్చీవైపు పరుగులు తీస్తూ పొగ గ్రేనెడ్లను విసిరారు. వెంటనే అప్రమత్తమైన భద్రతా సిబ్బంది సభ్యులను అడ్డుకునేందుకు ప్రయత్నించారు. ఈ దాడిలో ఇద్దరు ఎంపీలకు గాయాలు కాగా, ఒక ఎంపీ జాస్మినా ఒబ్రడోవిక్ పరిస్థితి విషమంగా ఉందని స్పీకర్ అణా బ్రనాబిక్ ప్రకటించారు. 2024 నవంబర్ లో సెర్మియాలోని రెండో అతిపెద్ద నగరమైన నోవి సౌడ్ లో రైల్వే స్టేషన్ పై కప్పు కూలిపోయింది. ఈ ఘటనలో 15 మంది మృతి చెందారు. అప్పటి నుంచి ప్రతిపక్షాలు ప్రభుత్వం నెపం నెడుతూ ప్రధానమంత్రి రాజీనామాకు డిమాండ్ చేస్తున్నాయి. మంగళవారం సభలో విశ్వవిద్యాలయాలకు నిదులు, ప్రధాని మిలోస్ రాజీనామా అంశం చర్చకు రానుండగా ఈ స్మోక్ బాంబు దాడులతో పార్లమెంట్ దద్దరిల్లింది.
