శీష్​ మహల్​ ఆడంబరాలకే భారీ ఖర్చు

నా తెలంగాణ, న్యూ ఢిల్లీ: సీఎం కేజ్రీవాల్ ఇళ్లు శీష్​ మహల్​ పై మరోమారు సోమవారం ఢిల్లీ బీజేపీ పార్టీ వీడియో విడుదల చేసింది. ఈ వీడియోలో వస్తువుల ఖరీదును వివరించింది. రూ. 64 లక్షల విలువైన టీవీ నుంచి రూ. 5 కోట్ల రిమోట్​ పరదాల వరకు అన్నింటి ధరలను వివరించింది. కేజ్రీవాల్​ అవినీతి, అక్రమాలను ఢిల్లీ సామాన్యులు మరోసారి తెలుసుకోవాలన్నారు.

రిమోట్​ తో కూడిన 8 కర్టెన్​ లకు రూ. 5.6 కోట్ల ఖర్చు కాగా, 16 టీవీలకు రూ. 64 లక్షలు, 88 అంగుళాల టీవీకి రూ. 28.90 లక్షలు, మరో 10 టీవీలకు రూ. 43.9లక్షలు, జిమ్-స్పా రూ.35 లక్షలు, రిక్లైనర్ సోఫా రూ.10 లక్షలు, 10 బెడ్-సోఫా రూ.13 లక్షలు, మసాజ్ కుర్చీ    రూ. 40 లక్షలు, టాయిలెట్ సీటు  రూ. 10 నుంచి 12 లక్షలు, ఫ్రెంచ్ రిఫ్రిజిరేటర్    రూ. 3.2 లక్షలు, మైక్రోవేవ్ ఓవెన్ రూ.1.8 లక్షలు, రెండు స్టీమ్​ ఓవెన్​ లు రూ. 6.5 లక్షలుగా వీడియోలో పేర్కొంది.