చారిత్రక కోటల పరిరక్షణకు సీఎం ఉత్తర్వులు జారీ

ముంబాయి: మహారాష్ట్రలోని చారిత్రక కోటల పరిధిలోని ఆక్రమణలను తొలగించే చర్యలకు సీఎం దేవేంద్ర ఫడ్నవీస్​ శ్రీకారం చుట్టారు. ఈ మేరకు మంగళవారం రాష్ర్టంలోని అన్ని జిల్లాల తహశీల్దార్లకు ఆక్రమణలపై చర్యలు తీసుకోవాలని ఉత్తర్వులు జారీ చేశారు. ఈ ఆక్రమణలను చేపట్టాలని ప్రజల నుంచి అనేక డిమాండ్లు వచ్చిన నేపథ్యంలో సీఎం ఈ చర్యలు తీసుకున్నారు. జనవరి 31లోగా కోటల వారీగా ఉన్న ఆక్రమణల జాబితాను సిద్ధం చేయాలని ఆదేశించారు. కొల్హాపూర్​ లోని విశాల్​ గఢ్​ కోట ఆక్రమణ విషయంపై సీరియస్​ అయిన సీఎం ఫడ్నవీస్​ రాష్ట్రవ్యాప్తంగా చారిత్రక కోటల పరిరక్షణకు నడుం బిగించారు. ఆక్రమణలకు వ్యతిరేకంగా మేజిస్ర్టేట్​ ల అధ్యక్షతన జిల్లా స్థాయి కమిటీలను ఏర్పాటు చేయనున్నారు. ఈ కమిటీలు మే 31 వరకు దశల వారీగా ఆక్రమణల తొలగింపును పర్యవేక్షిస్తాయి. భవిష్యత్​ లో కోటలు ఆక్రమణకు గురికాకుండా ప్రభుత్వం విజిలెన్స్​ కమిటీలను ఏర్పాటు చేయనుంది. మహారాష్​ర్టలో 47 కోటలను కేంద్ర ప్రభుత్వం సంరక్షిస్తుంది. మరో 62 కోటలను రాష్​ర్ట ప్రభుత్వం సంరక్షణ బాధ్యతలు తీసుకుంది. ఇవిగాక మరో 300 కోట్ల వరకు సంరక్షణ లేకుండా ఉన్నాయి. తొలగింపు కమిటీలో జిల్లా స్థాయి పోలీస్​ కమిషనర్​, మున్సిపల్​ కార్పొరేషన్​ చీఫ్​, ఫారెస్ట్​ అధికారి, పురావస్తు శాఖ ప్రతినిధులు ఉండనున్నారు. ఆక్రమణదారులపై చర్యలు తీసుకోనున్నారు.