బిష్ణోయ్​ గ్యాంగ్​ ఏడుగురు షూటర్ల అరెస్ట్​

నా తెలంగాణ, న్యూ ఢిల్లీ: లారెన్స్​ బిష్ణోయ్​ గ్యాంగ్​ కు చెందిన ఏడుగురు షార్ప్​ షూటర్లను ఢిల్లీ పోలీసులు అరెస్టు చేశారు. వీరిని ఢిల్లీ స్పెషల్​ పోలీసు బృందాలు శుక్రవారం పంజాబ్​ లోని వేర్వేరు ప్రాంతాల నుంచి అదుపులోకి తీసుకున్నారు. సిద్ధికీ హత్య కేసులో వీరంతా నిందితులుగా భావిస్తున్నారు. వీరి నుంచి ఆయుధాలను కూడా స్వాధీనం చేసుకున్నారు. మరోవైపు బిష్ణోయ్​ గ్యాంగ్​ పై ఎన్​ ఐఏ ఉక్కుపాదం మోపుతోంది.  లారెన్స్​ సోదరుడు అన్మోల్​ ఆచూకి తెలిపితే రూ. 10 లక్షల రివార్డును ప్రకటించింది. పంజాబ్​ ప్రముఖ గాయకుడు సిద్ధూ మూసేవాలా హత్యలో ఇతను ప్రధాన నిందితుడు. ఇతనిపై కూడా 18 కేసులున్నాయి. ఇతను ఆఖరు సారిగా కెనడా, కెన్యాలలో ఉన్నట్లు ఎన్​ ఐఎ గుర్తించింది. 2021లో బెయిల్​ పై విడుదలయ్యాక మళ్లీ నేరజీవితాన్ని ప్రారంభించాడు. బిష్ణోయ్​ గ్యాంగ్​ కు ప్రధాన సూత్రధారి కూడా ఇతడే అని పోలీసులు గుర్తించారు. బాబా సిద్దిఖీ హత్యలో కూడా ఇతని హస్తం ఉన్నట్లు పోలీసులు అనుమానిస్తున్నారు. నిందితులు కాల్పులు జరిపే ముందు స్నాప్​ చాట ద్వారా అన్మోల్​ బిష్ణోయ్​ తో మాట్లాడినట్లు దర్యాప్తు బృందాలు గుర్తించాయి. కాగా సిద్దిఖీ హత్యలో ఇప్పటివరకు ముంబాయి క్రైమ్​ బ్రాంచ్​ 11 మందిని అరెస్టు చేసింది.