మోదీ, ట్రంప్​ లకు పుతిన్​ కృతజ్ఞతలు!

నా తెలంగాణ, న్యూ ఢిల్లీ: ఉక్రెయిన్​ తో కాల్పుల విరమణకు, వివాదాన్ని పరిష్కరించేందుకు అమెరికా అధ్యక్షుడు ట్రంప్​, భారత ప్రధాని నరేంద్ర మోదీ, బ్రెజిల్​ అధ్యక్షుడు లూయిజ్​ ఇనాసియోలకు రష్​యా అధ్యక్షుడు వ్లాదిమిర్​ పుతిన్​ కృతజ్ఞతలు తెలిపారు. విలేఖరుల సమావేశంలో పుతిన్​ మాట్లాడుతూ.. ఈ మూడు దేశాల ప్రముఖులు అనేకసార్లు యుద్ధ విరమణకు ప్రయత్నిస్తూనే శాంతి, సామరస్యాన్ని కాపడడానికి ప్రయత్నించారన్నారు. అదే సమయంలో తమ దేశ సార్వభౌమత్వానికి గౌరవం ఇచ్చారని కొనియాడారు. దీంతో ఉక్రెయిన్​ తో జరిగిన కాల్పుల విరమణ ఒప్పందంపై  కట్టుబడి ఉంటామన్నారు. తమ ముందున్న లక్ష్యం ఒక్కటేనన్నారు. శత్రుత్వాన్ని అంతం చేయడం, ప్రాణనష్టాన్ని నివారించడం, ఆస్థి నష్టాలను ఇకపై జరగకుండా చూసుకుంటామన్నారు. ఉక్రెయిన్​ తో జరుగుతున్న యుద్ధాన్ని ఆపేందుకు అమెరికా ప్రతిపాదనలతో తాను కట్టుబడి ఉన్నానన్నారు. శాంతిని తీసుకురావాలని, సంఘర్షణలకు కారణమవుతున్న కారణాలను పూర్తిగా పరిష్కరించే దిశగా ఈ మూడు దేశాల నాయకులు చేస్తున్న కృషిని కొనియాడారు. కాగా రష్యా–ఉక్రెయిన్​ మధ్య కాల్పుల విరమణకు ఇంకా చర్చలు కొనసాగుతుండడం విశేషం.