వారసత్వంపై ఏఎస్​ ఐ సర్వే

గాంధీనగర్​: ద్వారక తీరంలో మునిగిపోయిన వారసత్వాన్ని వెలికితీసేందుకు ఏఎస్​ఐ (పురావస్తు సర్వే ఆఫ్​ ఇండియా) గుజరాత్​ తీరంలో అన్వేషణ ప్రారంభించింది. మంగళవారం ప్రారంభించిన అన్వేషణ బుధవారం కూడా మరింత మంది డైవర్లతో అన్వేషించారు. గోమతీ క్రీక్​ సమీపంలో అదనపు డైరెక్టర్​ జనరల్​ ప్రొఫెసర్​ అలోక్​ త్రిపాఠి నేతృత్వంలో ఐదుగురు శాస్ర్తవేత్తల బృందం అన్వేషనను కొనసాగిస్తుంది. అన్వేషణ బృందంలో హెచ్‌కె నాయక్, అసిస్టెంట్ సూపరింటెండింగ్ ఆర్కియాలజిస్ట్ డాక్టర్ అపరాజిత శర్మ, పూనమ్ వింద్, రాజకుమారి బార్బినా ఉన్నారు. ఏఎస్​ ఐ సముద్ర అట్టడుగున అన్వేషణలో మహిళా అధికారులు కూడా పాల్గొనడం ఇదే తొలిసారి. ద్వారాక, బెట్​ ద్వారక ప్రాంతాలలో సర్వే కొనసాగుతుంది. 1980లో సముద్రపు అడుగున చేపట్టిన అన్వేషణలో కీలక ఫలితాలను, పలు ఆధారాలను సాధించింది. ఈ నేపథ్యంలో లక్ష్యద్వీప్​, తమిళనాడు, మణిపూర్​, ఎలిఫెంటా ద్వీపం వంటి ప్రదేశాలలో అప్పట్లు అన్వేషణ నిర్వహించారు. 2005, 2007 ఏఎస్​ఐ నిర్వహించిన సర్వేలో సముద్రంలో పలు శిల్పాలను గుర్తించారు.