జాతీయ క్రీడా అవార్డుల ప్రదానం

నా తెలంగాణ, న్యూ ఢిల్లీ: జాతీయ క్రీడా అవార్డు–2024లను రాష్ట్రపతి ద్రౌపదీ ముర్మూ శుక్రవారం అందజేశారు. రాష్ట్రపతి భవన్​ లో క్రీడా మంత్రిత్వ శాఖ ఆధ్వర్యంలో ఏర్పాటు చేసిన అవార్డుల ప్రదానం కార్యక్రమంలో 34 మందికి ముర్మూ అవార్డులను ప్రదానం చేశారు. గ్రాండ్​ మాస్టర్​ దొమ్మిరాజు. గుకేష్​, ఒలింపిక్ డబుల్ మెడల్ గెలుచుకున్న షూటర్ మను భాకర్, హాకీ జట్టు కెప్టెన్ హర్మన్‌ప్రీత్ సింగ్, పారా అథ్లెట్ ప్రవీణ్ కుమార్‌లను మేజర్ ధ్యాన్ చంద్ ఖేల్ రత్న అవార్డులతో సత్కరించారు.

పారిస్ పారాలింపిక్స్‌లో జావెలిన్‌లో స్వర్ణం సాధించిన నవదీప్‌తో సహా 34 మంది ఆటగాళ్లకు అర్జున అవార్డు లభించింది. వీరిలో 17 మంది పారా అథ్లెట్లు కాగా, మరో ఇద్దరికి అవార్డులు లభించాయి. వీరితో పాటు ఐదుగురు కోచ్‌లకు ద్రోణాచార్య అవార్డు లభించింది.

మనుభాకర్​: 2018లో ఐఎస్​ఎఫ్​ఎఫ్​ వరల్డ్​ కప్​ లో గోల్డ్​ మెడల్​. 2018లో కామన్​ వెల్త్​ 10 మీటర్ల పిస్టల్​ ఈవెంట్​ లో గోల్డ్​ మెడల్​, 2018 యూత్​ ఒలంపిక్స్​ గేమ్స్​ లో ఒక గోల్డ్​, ఒక సిల్వర్​. 2022లో వరల్డ్​ చాంపియన్​ షిప్​ గోల్డ్​, సిల్వర్​ మెడల్​. 2023లో ఏషియన్​ గేమ్స్​ 25 మీటర్​ పిస్టల్​ టీమ్​ ఈవెంట్​ లో గోల్డ్​, 2024 పారిస్​ ఒలంపిక్స్​ 10 మీటర్ల ఎయిర్​ పిస్టల్​ ఈవెంట్​ లో కాంస్య పతకాలు సాధించారు.

దొమ్మిరాజు గుకేష్​ (18): చందరంగంలో సత్తా చాటి ప్రపంచ ఛాంపియన్​ గా నిలిచాడు. 11న సింగపర్​ లో జరిగిన ప్రపంచ చెస్​ ఛాంపియన్​ షిప్​ టైటిల్​ ను అత్యంత చిన్న వయసులోనే గెలుచుకున్నాడు. 

హర్మన్​ ప్రీత్ సింగ్​​: భారత హాకీ జట్టు 2022 ఆసియా క్రీడల్లో స్వర్ణ పతకం, మూడుసార్లు ఎఫ్​ ఐహెచ్​ అవార్డు ప్లేయర్​ ఆఫ్​ ది ఇయర్​ టైటిల్​,  పారిస్​ లో జరిగిన ఒలింపిక్స్​ – 2024లో కాంస్య పతకం గెలుచుకున్నారు. 

ప్రవీణ్​ కుమార్​: పారిస్​ పారాఒలింపిక్స్​ పురుషుల హై జంప్​ 2024లో ప్రవీణ్​ కుమార్​ స్వర్ణ పతకాన్ని సాధించారు. టోక్యోలో రజత పతకం సాధించాడు. 

అర్జున అవార్డులు అందుకున్న క్రీడాకారులు
జ్యోతి యరాజీ (ఎథ్లెటిక్స్​), అనురాణి (ఎథ్లెటిక్స్​), నీతూ (బాక్సింగ్​), స్వీటీ (బాక్సింగ్​), వంతికా అగ్రవాల్​ (చెస్​), సలీమా టెట్​ (హాకీ), అభిషేక్​ (హాకీ), సంజయ్​ (హాకీ), హర్మన్​ ప్రీత్​ సింగ్​ (హాకీ), సుఖ్​ జీత్​ సింగ్​ (హాకీ), రాకేష్​ కుమార్​ (పారా ఆర్చరీ), ప్రీతీ పాల్​ (పారా ఎథ్లెటిక్స్​), జీవాంజీ దీప్తి (పారా ఎథ్లెటిక్స్​), అజిత్​ సింగ్​ (పారా ఎథ్లెటిక్స్​),  సచిన్​ సర్జేరావ్​ కిలారీ (పారా ఎథ్లెటిక్స్​), ధరమ్​బీర్​ (పారా ఎథ్లెటిక్స్​), ప్రణవ్​ సుర్మా (పారా ఎథ్లెటిక్స్​), హెచ్​. హోకాతో సెమా (పారా ఎథ్లెటిక్స్​), సిమ్రాన్​ (పారా ఎథ్లెటిక్స్​), నవదీప్​ (పారా ఎథ్లెటిక్స్​),  నితీశ్​ కుమార్​ (పారా బ్యాడ్మింటన్​), తులస్మితి మురుగేశన్​ (పారా బ్యాడ్మింటన్​), నిత్యా (పారా బ్యాడ్మింటన్​), మనీషా రామ్​ దాస్​ (పారా బ్యాడ్మింటన్​), కపిల్​ పర్మార్​ (పారా జూడో), మోనా అగ్రవాల్​ (పారా షూటింగ్​), రూబీనా ఫ్రాన్సెస్​ (పారా షూటింగ్​), స్వప్రిల్​ కుసాలే (షూటింగ్​), సరబ్​ జోత్​ సింగ్​ (షూటింగ్​), అభయ్​ సింగ్​ (స్క్వాష్​), సజన్​ ప్రకాశ్​ (స్విమ్మింగ్​), అమన్​ సెహరావత్​ (రెజ్లింగ్​), సూచా సింగ్​ (ఎథ్లెటిక్స్​), మురళీకాంత్​ రాజారామ్​ పేట్కర్​ (పారాస్విమ్మింగ్​)

ద్రోణాచార్య అవార్డులు.. 
సుభాష్​ రాణా (పారా షూటింగ్​), దీప్తి దేశ్​ పాండే (షూటింగ్​), సందీప్​ సాంగ్వాన్​ (హాకీ), ఎస్​. మురళీధరన్​ (బ్యాడ్మింటన్​), అర్మాండో కోలాకో (ఫుట్​ బాల్​). 

మౌలానా అబ్దుల్​ కలాం ఆజాద్​ ట్రోఫీ–2024..
చండీగఢ్​ యూనివర్సిటీ– గెలుపు, లవ్లీ ప్రొఫెషనల్​ యూనివర్సిటీ మొదటి రన్నరప్​ యూనివర్సిటీ, గురునానక్​ దేవ్​ యూనివర్సిటీ రెండో రన్నరప్​ యూనివర్సిటీ.