ప్రజలు మోసపోరు బీజేపీ రాజ్యసభ ఎంపీ లక్ష్మణ్
ప్రజావ్యతిరేకమైన పాలన కాంగ్రెస్ది అవినీతి పరులంతా సుద్ధపూసలయ్యారా? ఆరుగ్యారెంటీల ఊసే లేదు దేశవ్యాప్తంగా ప్రధాని మోదీ వైపే ప్రజలు
నా తెలంగాణ, హైదరాబాద్: హస్తం పార్టీని నమ్మి మరోసారి మోసపోయేందుకు ప్రజలు సిద్ధంగా లేరని బీజేపీ రాజ్యసభ ఎంపీ డాక్టర్ లక్ష్మణ్ అన్నారు. ఆదివారం లక్ష్మణ్ మీడియాతో మాట్లాడారు. సీఎం రేవంత్ అవలంభిస్తున్న తీరు ప్రజావ్యతిరేకమైదని తెలిపారు. గతంలో బీఆర్ఎస్ అవలంభించిన విధానాలనే ఆయన అనుసరిస్తున్నారని పేర్కొన్నారు. బీఆర్ఎస్ నుంచి కాంగ్రెస్లో చేరిన వారంతా అప్పుడు అవినీతి పరులుగా ఉన్నవారని, నేడు వారంతా సుద్ధపూసలయ్యారా? అని సీఎం రేవంత్ను ప్రశ్నించారు. హస్తంలో చేరుతున్న ముఖ్యనేతలంతా కేసీఆర్కు సన్నిహితులేనని తెలిపారు. వీరంతా కాంగ్రెస్లో చేరడం వెనుక అనేక అపోహలు, అనుమానాలు ప్రజల్లో ఉన్నాయన్నారు. కాంగ్రెస్ పార్టీ గద్దెనెక్కి వందరోజులు గడిచిపోయినా ఆరు గ్యారెంటీల ఊసే లేదని ప్రజలు మోసపోయామని గ్రహించారని లక్ష్మణ్ తెలిపారు. మరోసారి ప్రజలను మోసం చేసి ఎంపీ ఎన్నికల్లో కాంగ్రెస్ లబ్ధి పొందాలని చూస్తోందని, అందుకు ప్రజలు మరోసారి హస్తాన్ని నమ్మే పరిస్థితి లేదని పేర్కొన్నారు. దేశవ్యాప్త చూపు ప్రధాని నరేంద్ర మోదీ లాంటి స్వచ్ఛమైన నాయకుడు, బీజేపీ పార్టీపై ఉందని డాక్టర్ లక్ష్మణ్ అన్నారు.
