పోడు భూములపై ఇరు గిరిజన వర్గాల గలాట

ఖమ్మం: పోడుభూములపై ఇరుగిరిజన వర్గాల మధ్య జరుగుతున్న గొడవను సద్దుమణిగింప చేద్దామనుకున్న పోలీసులపై దాడి జరిగింది. ఓ గిరిజన వర్గంలో రాళ్లు, కర్రలతో దాడులను నిరోధించేందుకు వచ్చిన పోలీసులపై మూకుమ్మడి దాడికి పాల్పడింది. ఆదివారం ఖమ్మం జిల్లా చంద్రాయపాలెంలో పోడుభూముల విషయంలో గిరిజన వర్గాల మధ్య ఘర్షణ సమాచారం పోలీసులకు అందింది. హుటాహుటీన తన టీమ్​తో కలిసి సత్తుపల్లి సీఐ కిరణ్​ బయలుదేరారు. గొడవ జరుగుతున్న ప్రాంతానికి వెళ్లి విషయం ఏంటో ఆరా తీసేందుకు, నచ్చజెప్పేందుకు ప్రయత్నించారు. దీంతో రెచ్చిపోయిన ఓ వర్గం గిరిజనులు ఉన్నఫళంగా పోలీసులపై దాడికి పాల్పడడంతో పోలీసులు తప్పించుకున్నారు. ఈ దాడిలో పలువురు పోలీసులకు స్వల్ప గాయాలయ్యాయి.