ఒలింపిక్స్–2024 హాకీ మ్యాచ్​ల షెడ్యూల్​ ప్రకటన

నా తెలంగాణ, న్యూ ఢిల్లీ: ఒలింపిక్స్​ – 2024 కోసం భారత పురుషుల హాకీ జట్టు మ్యాచ్​ల షెడ్యూల్​ను బుధవారం ప్రకటించారు. టోక్యో ఒలింపిక్స్‌ కాంస్య పతక విజేత భారత్‌ పూల్‌ బిలో చోటు దక్కించుకుంది. భారత పురుషుల హాకీ జట్టు జూలై 27న పారిస్ ఒలింపిక్స్‌లో తన తొలి మ్యాచ్‌లో న్యూజిలాండ్‌తో తలపడనుంది. ఆ తర్వాత జూలై 29న అర్జెంటీనాతో, 30న ఐర్లాండ్‌తో, ఆగస్టు 1న బెల్జియంతో, ఆగస్టు 2న ఆస్ట్రేలియాతో తలపడనుంది. నెదర్లాండ్స్, స్పెయిన్, జర్మనీ, ఫ్రాన్స్, గ్రేట్ బ్రిటన్, దక్షిణాఫ్రికా పూల్-ఎలో చోటు దక్కించుకున్నాయి. ఆగస్టు 4న క్వార్టర్‌ ఫైనల్స్‌, ఆగస్టు 6న సెమీఫైనల్స్‌ జరగనున్నాయి. కాంస్య పతకానికి సంబంధించిన ప్లే ఆఫ్,  ఫైనల్ ఆగస్టు 8న జరగనుంది. ఈ మ్యాచ్‌లన్నీ కొలంబస్‌లోని వైవ్స్ -డు-మెనోయిర్ స్టేడియంలో నిర్వహించనున్నారు. అదే సమయంలో పురుషుల విభాగంలో బెల్జియం డిఫెండింగ్ ఛాంపియన్‌గా నిలిచింది. జూలై 26న ప్రారంభం కానున్న ఒలింపిక్స్​ఆగస్టు 11వరకు కొనసాగనుంది.