కన్నీటి పర్యంతమైన నిఖత్
బాక్సింగ్ లో ఓటమి దేశ ప్రజలకు క్షమాపణలు రెట్టించిన ఉత్సాహంతో వస్తానంటూ భావోద్వేగం లవ్లీనాపై ఆశలు సజీవం
పారిస్: ఎంతో కష్టపడి ఇక్కడ వరకు చేరుకున్నా ఆశించిన స్థాయిలో విజయాన్ని సొంతం చేసుకోకపోవడం పట్ల బాక్సింగ్ క్రీడాకారిణి నిఖత్ జరీన్ కన్నీటి పర్యంతం అయ్యారు. దేశ ప్రజలకు క్షమాపణలు చెప్పారు. పొరపాటు ఎక్కడ జరిగిందో సరిచూసుకుంటానన్నారు. రెట్టించిన ఉత్సాహంతో తిరిగి వస్తానని భావోద్వేగంతో తెలిపారు.
గురువారం 50 కిలోల ఒలింపిక్స్ పోటీల్లో నిఖత్ జీన్ (భారత్), వూ యూ (చైనా) చేతిలో ఓటమి పాలయ్యారు. వూ యూ 5–0 తేడాతో విజయం సాధించింది. నిఖత్ జరీన్ ఒలింపిక్స్ పోటీల్లో పాల్గొనడం ఇదే తొలిసారి.
జర్మనీ కరీనాతో నిఖత్ 5–0 తేడాతో విజయం సాధించి ప్రీ క్వార్టర్స్ కు అర్హత సాధించింది.
బాక్సింగ్ లో అసోంకు చెందిన మరో క్రీడాకారిణి లవ్లీనా బొర్గొహైన్ క్వార్టర్ ఫైనల్ లోకి అడుగిడింది. ఇప్పుడు బాక్సింగ్ లో ఈ క్రీడాకారిణి పతకం సాధించాలని భారత క్రీడాభిమానులు కోరుకుంటున్నారు.
