ఆన్​ లైన్ మత విద్య ఖలీద్​ ఇంటిపై ఎన్​ ఐఎ దాడి

లక్నో: యూపీ ఝాన్సీలోని ముక్రాయన ప్రాంతంలో ముఫ్తీ ఖలీద్​ ఇంటిపై ఎన్​ ఐఎ బృందం బుధవారం అర్థరాత్రి 2 గంటలకు దాడి చేసింది. దీంతో స్థానికులు ఒక్కసారిగా గూమిగూడి ఎన్​ ఐఎ అధికారులను అడ్డుకున్నారు. గురువారం ఉదయం ఎన్​ ఐఎ బృందం స్థానిక ఎస్పీకి సమాచారం అందజేసి బలగాలను రంగంలోకి దింపి ముఫ్తీ ఖలీద్​ ను తన ఇంట్లోనే ప్రశ్నిస్తుంది. సోదాలు చేపట్టింది. ఖలీద్​ పై విదేశీ నిధులకు సంబంధించిన మనీలాండరింగ్​ ఆరోపణలున్నాయి. అలిగోల్​ ప్రాంతంలోని సూపర్​ కాలనీలోని ఆన్​ లైన్​ మత విద్యను ఖలీద్​ అందిస్తున్నారని, యువతను తప్పుదోవ పట్టిస్తున్నారని, ఈయనకు విదేశీ నిధులు సమకూరుతున్నాయని ఆరోపణలు ఎదుర్కొంటున్నారు. మధ్యాహ్నం వరకు కూడా ఆయనను ఇంట్లోనే నిర్బంధించి ప్రశ్నిస్తున్నారు. ఇంట్లో విస్తృతంగా సోదాలు నిర్వహిస్తున్నారు. ఖలీద్​ ను కలిసేందుకు ఎవ్వరినీ అనుమతించడం లేదు. బయట భారీగా పోలీసు బందోబస్తును ఏర్పాటు చేశారు. ఖలీద్​ విచారణను స్థానికులు అడ్డుకున్నారు. దీంతో అదనపు బలగాలు రంగంలోకి దిగడంతో స్థానికులు విచారణకు ఒప్పుకున్నారు. కాగా ఈ ఆరోపణల్లో ఖలీద్​ భార్య హస్తం కూడా ఉందని ఎన్​ ఐఎ ఆరోపిస్తుంది.