మోదీ విధానం సరైందే! ఎంపీ శశిథరూర్​

నా తెలంగాణ, న్యూఢిల్లీ: ప్రధాని నరేంద్ర మోదీ విదేశాంగ విధానం సరైందేనని కాంగ్రెస్​ సీనియర్​ నాయకుడు ఎంపీ శశిథరూర్​ తొలిసారిగా ప్రధాని నిర్ణయాలను ఆకాశానికెత్తారు. మంగళవారం మీడియాతో శశిథరూర్​ మాట్లాడారు. మోదీ తన అభిప్రాయాలను ధృఢంగా ఉంచుతూ ముందుకు వెళతారని కొనియాడారు.  పాక్​ ఉగ్రదాడుల నేపథ్యంలో భారత విదేశాంగ విధానం సరైందేనని అభిప్రాయం వ్యక్తం చేశారు. 26/11 ముంబాయి దాడులు, 2016 పఠాన్​ కోట్​ దాడులు దేశంపై జరిగిన దాడులుగానే పరిగణిస్తున్నట్లు చెప్పారు. పాక్​ తో చర్చలు దాదాపు అసాధ్యమేనన్నారు. ఇరుదేశాల పరస్పర బంధాలను పాక్​ చేజేతులా చెడగొట్టుకుందన్నారు. తాను ఎప్పటికీ శాంతికి మద్ధతునిస్తానని అన్నారు. అమెరికా నుంచి ప్రవాస భారతీయులను వెనక్కిపంపడంపై మాట్లాడుతూ ఇది చాలా సున్నితమైన విధానమని, ఆందోళన కలిగించే అంశమన్నారు. ఈ విషయంపై భారత్​ ఆచీతూచీ అడుగువేస్తుందని ఆశిస్తున్నట్లు శశిథరూర్​ తెలిపారు.