సీఎం బీరేన్​ సింగ్​ రాజీనామా!

ఇంఫాల్​: మణిపూర్​ సీఎం ఎన్​. బీరేన్​ సింగ్​ రాజీనామా చేశారు. ఆదివారం ఉదయం ఢిల్లీలో కేంద్ర మంత్రులు అమిత్​ షా, జేపీ నడ్డాలతో సమావేశమైన ఆయన సాయంత్రానికి మణిపూర్​ తిరిగి వచ్చి రాజ్​ భవన్​ కు వెళ్లి గవర్నర్​ కు తన రాజీనామాను సమర్పించారు. రాజీనామా సమర్పించే సమయంలో బీజేపీ ఎంఈ సంబిత్​ పాత్ర, ఇతర రాష్​ర్ట మంత్రులు కూడా బీరేన్​ సింగ్​ తో ఉన్నారు. మణిపూర్​ శాంతిభద్రతలపై పలుమార్లు ఆవేదన వ్యక్తం చేశారు. గతంలోనే రెండు, మూడుసార్లు ఈ పరిస్థితులను, ఆవేదనను వ్యక్తం చేస్తూ రాజీనామా సమర్పిస్తానని చెప్పారు. ఇప్పటికైనా సాధారణ పరిస్థితులు నెలకొంటాయని ఆశిస్తున్నట్లు వెల్లడించారు. రాజీనామా లేఖలో మణిపూర్​ సమగ్రత, భద్రతకు సంబంధించిన చర్యలు తీసుకోవాలని కేంద్ర ప్రభుత్వాన్ని కోరారు. ఐదు డిమాండ్లను కేంద్రం ముందు ఉంచారు. రాష్ర్ట భద్రతకు బయోమెట్రిక్​ లాంటి కఠిన విధానాన్ని అవలంభించాలని, చొరబాట్లను ఆపాలని, అక్రమ వలసలను నిరోధించాలని ఎంఎఫ్​ ఆర్​ వ్యవస్థను అమలు చేయాలని కేంద్రానికి బీరేన్​ సింగ్​ విజ్ఞప్తి చేశారు.