చివరిరోజు గడ్కరీ నామినేషన్​

నాగ్​పూర్: కేంద్రమంత్రి నితీన్​ గడ్కరీ బుధవారం నాగ్​పూర్​ స్థానానికి ఎంపీగా తన నామినేషన్​ను దాఖలు చేశారు. ఈ సందర్భంగా పలువురు దిగ్గజ నేతలు గడ్కరీ వెంట నామినేషన్​లో పాల్గొని శక్తి ప్రదర్శన నిర్వహించారు. సీఎం ఏకానాథ్​షిండే, డిప్యూటీ సీఎంలు దేవేంద్ర ఫడ్నవీస్, అజిత్​ పవార్​సహా పలువురు ప్రముఖ నేతలు పాల్గొన్నారు. గడ్కరీ నామినేషన్​ కోసం వేలాది మంది బీజేపీ కార్యకర్తలు, నాయకులు తరలిరావడంతో నాగ్​పూర్​ చౌక్​ ప్రాంతం పూర్తిగా బ్లాక్​ అయిపోయింది. ఇక్కడ బాబా సాహెబ్​ అంబేద్కర్​ విగ్రహానికి పూలమాల వేసి నివాళులర్పించిన అనంతరం నామినేషన్​ను సమర్పించారు. ఈ ప్రక్రియలో గడ్కరీ కుటుంబ సభ్యులు కూడా పాల్గొన్నారు. ఈసారి నితీన్​ గడ్కరీ ఐదు లక్షల మెజార్టీతో గెలుస్తారని ఆయన కోడలు ఆశాభావం వ్యక్తం చేశారు. గడ్కరీకి పోటీగా ఎవ్వరూ చేరువులో లేరని అన్నారు.  మరోవైపు బుధవారంతో నామినేషన్ల గడువు సమాప్తం కానుంది.