అవయవదానంపై అవగాహన అవసరం
ప్రభుత్వ చర్యల వల్ల నాలుగు రెట్లు పెరుగుదల 14వ జాతీయ అవయవదాన దినోత్సవంలో కేంద్ర సహాయ మంత్రి అనుప్రియా పటేల్
నా తెలంగాణ, న్యూ ఢిల్లీ: అవయవదానం వల్ల ఎంతోమందికి జీవితాన్ని ప్రసాదించొచ్చని ప్రజలకు ఈ విషయంపై అవగాహన కల్పించాల్సిన అవసరం ఎంతైనా ఉందని కేంద్ర ఆరోగ్య, కుటుంబ సంక్షేమ శాఖ సహాయ మంత్రి అనుప్రియా పటేల్ అన్నారు.
శనివారం అంతర్జాతీయ అంబేద్కర్ సెంటర్ లో 14వ జాతీయ అవయవదాన దినోత్సవం సందర్భంగా ఏర్పాటు చేసిన కార్యక్రమంలో ముఖ్య అతిథిగా హాజరై ప్రసంగించారు.
దేశంలో ప్రభుత్వం చేస్తున్న కృషి వల్ల దేశంలో అవయవదానాల సంఖ్య నాలుగు రెట్లు పెరిగిందన్నారు. అయినా అవయవాల లభ్యత, డిమాండ్ మధ్య భారీ అంతరం ఉందని మంత్రి తెలిపారు. భారత్ లో అవయవదానం అనేది అత్యంత పురాత సంస్కృతి అని అనుప్రియా పటేల్ తెలిపారు. మహర్షి దధీచి తన అవయవాలన్నీ దానం చేసి ఆదర్శంగా నిలిచారని గుర్తు చేశారు. అవయవదానం వల్ల ఎంతోమంది ప్రాణాలు కాపాడవచ్చని, ఇంతకంటే గొప్ప మానవీయ కార్యం మరొకటి ఉందన్నారు.
