ఇండి కూటమి ఉన్నట్టా? లేనట్టా?

ముంబాయి: ఇండియా బ్లాక్​ కూటమి ఉందో లేదో కాంగ్రెస్​ చెప్పాల్సిన అవసరం ఉందని ఒమర్​ అబ్దుల్లా వ్యాఖ్యలతో తాను ఏకీభవిస్తున్నానని శివసేన (యూబీటీ) ఎంపీ సంజయ్​ రౌత్​ అన్నారు. శుక్రవారం రౌత్​ మీడియాతో మాట్లాడారు. ఒకసారి కూటమి విచ్ఛిన్నం అయితే అది తిరిగి ఏర్పడదని గుర్తుంచుకోవాలన్నారు. కూటమి ఉందా? లేదా? అనే సందేహం అన్ని పార్టీలలోనూ ఉందన్నారు. పొత్తు కేవలం లోక్​ సభల కోసమే అయితే ఆ విషయాన్ని కాంగ్రెస్​ చెబితేనే బాగుంటుందని ఎవరి దారి వారు చూసుకుంటామన్నారు. కూటమి ఒక్కసారి విచ్ఛిన్నం అయితే ముందు ఏర్పడే పరిణామాలు కూడా ఆయా పార్టీల ఆలోచనా రీతిలో, ధోరణిలో మార్పులు చోటు చేసుకుంటాయన్నారు. లోక్​ సభ ఎన్నికల్లో మంచి ఫలితాలను సాధించమా? లేదా? అన్న సందేహాలు ఇండి కూటమిలోని అన్ని పార్టీలకు ఉన్నాయని అన్నారు. గత తప్పులను సరిదిద్దుకోవాల్సిన అవసరం ఎంతైనా ఉందన్నారు. కూటమి లాగే మహారాష్ర్టలో కూడా ఎంవీఎ మధ్య సమన్వయం లేదన్నారు. ఆప్​ నేత కేజ్రీవాల్​ ను కాంగ్రెస్​ నేతలు దేశవ్యతిరేకి అనడాన్ని తాను ఏకీభవించలేనని సంజయ్​ రౌత్​ కుండబద్ధలు కొట్టారు.