హమాస్​ కు మద్ధతు భారతీయ విద్యార్థినీ వీసా రద్దు

వాషింగ్టన్​: హమాస్​ కు మద్ధతు ఇస్తూ పలు ఆందోళనల్లో పాల్గొన్నారన్న ఆరోపణలపై భారతీయ విద్యార్థిని రంజనీ శ్రీనివాసన్​ వీసాను అమెరికా రద్దు చేసింది. ఈ విద్యార్థిని కొలంబియా విశ్వవిద్యాలయంలో విద్యనభ్యసిస్తుంది. వీసా రద్దు అయిన వెంటనే రంజనీ శ్రీనివాస్​ అమెరికాను వీడి వెళ్లింది. యూఎస్​ డిపార్ట్​ మెంట్​ ఆఫ్​ హోమ్​ ల్యాండ్​ సెక్యూరిటీ ఈ విషయాన్ని ప్రకటించింది. హమాస్​ కు మద్ధతుగా ఈ విద్యార్థిని పలు ఆందోళనల్లో పాల్గొన్నారని తెలిపింది. ఎఫ్​ 1 వీసాపై కొలంబియా విశ్వవిద్యాలయంలో అర్బన్​ ప్లానింగ్​ లో పీహెచ్​ డీ విద్యనభ్యసిస్తుందని తెలిపింది. తమ దేశ సార్వభౌమత్వానికి విఘాతం కలిగించే ఎవ్వరిపైనా చర్యలు తీసుకునేందుకు వెనుకాడబోమని అమెరికా కార్యదర్శి క్రిస్టినోయెమ్​ స్పష్టం చేశారు. మార్చి 5న వీసా రద్దు చేయగా, మార్చి 11న ఈ విద్యార్థిని దేశం విడిచి వెళ్లిందని క్రిస్టినోయెమ్​ స్పష్టం చేసింది.