కృత్రిమ గుండెతో జీవనం సాధ్యమే!

నా తెలంగాణ, సెంట్రల్​ డెస్క్​: తొలిసారిగా కృత్రిమ గుండెతో 40 ఏళ్ల వ్యక్తి వందరోజులపాటు జీవించాడు. ఆస్ట్రేలియాలోని సిడ్నీ విన్సెంట్​ ఆసుపత్రి వైద్యులు గుండెపోటు వచ్చి పూర్తిగా గుండె చెడిపోయిన వ్యక్తిని వందరోజులపాటు బతికించి సత్తా చాటారు. ఈ ప్రయోగం భవిష్యత్​ లో మానవుడి గుండెకు మరింత పదిలం చేసేలా కొనసాగింది. 2024లో ఓ వ్యక్తికి తీవ్ర గుండెపోటు సంభవించింది. ఆ వ్యక్తి విన్సెంట్​ ఆసుపత్రికి చేరుకున్నాడు. అతనికి గుండె మార్పిడి చేయాలని వైద్యులు నిర్ణయించారు. అలా అయితేనే ఆ వ్యక్తి బతికే అవకాశం ఉందని అన్ని వైద్య పరీక్షలు నిర్వహించిన అనంతరం నిర్దరించారు. కానీ అప్పటికప్పుడు ఆ వ్యక్తితో సరిపోలిన హృదయం లభ్యం కాలేదు. దీంతో వైద్యులు కృత్రిమ గుండెవైపు ఆలోచించి ఛాలెంజ్​ గా తీసుకొని ఆపరేషన్​ ను విజయవంతం చేశారు. కానీ రోగికి అమర్చిన తాత్కాలిక గుండె వందరోజులపాటు తన పనితీరును కొనసాగించగలిగింది. అనంతరం ఆ వ్యక్తి ఇతర రుగ్మతల కారణంగా మృతి చెందాడు. కానీ వైద్యశాస్ర్తంలో, పరిభాషలో ప్రపంచంలోనే కృత్రిమ గుండెతో వందరోజులపాటు బతికిన వ్యక్తిగా ఆ వ్యక్తి పేరు పొందాడు. ఈ కృత్రిమ గుండెను ఆస్ర్టేలియాలోని మోనాష్​ విశ్వవిద్యాలయం రూపొందించింది. 

ఎవరు రూపొందించారు?..
ఈ గుండెను క్విన్స్​ ల్యాండ్​ లోని బయో ఇంజనీర్​ డేనియల్​ టిమ్స్​ 20 సంవత్సరాల క్రితమే రూపొందించాడు. అతని తండ్రి గుండెపోటుతో మృతిచెందడంతో కృత్రిమ గుండెవైపు ఇతని ఆలోచనలు మళ్లాయి. పరిశోధనలో విజయం సాధించినా 2024లో వ్యక్తికి తొలిసారి ఈ గుండెను అమర్చారు. 

హృదయం..
650 గ్రాముల బరువుండే ఈ హృదయం టైటానియం లోహంతో రూపొందించారు. 12ఏళ్ల వ్యక్తికి కూడా దీన్ని అమర్చేలా రూపొందించారు. గుండె ఏర్పాటు చేశాక సంబంధిత వ్యక్తికి కృత్రిమ గుండెను మోసుకొని తిరుగుతున్నట్లు కూడా తెలియదు. లోపల గుండెను అమర్చినా బయట వ్యక్తి ఛాతీపై ఒక పేస్​ మేకర్​ లాంటి పరికరం సహాయంతో నడుస్తుంది. పేస్​ మేకర్​ నుంచి ఒక తీగ నేరుగా లోపలి కృత్రిమ గుండె నడిచేలా చేస్తుంది. ఈ బ్యాటరీ నాలుగు గంటలపాటు నడుస్తుంది. రీచార్జీ కోసం అలర్ట్​ కూడా జారీ చేస్తుంది. ఈ గుండె రక్తాన్ని పంప్​ చేస్తూ ఉంటుంది. 

వైద్యుల అభిప్రాయం..
ఆస్ర్టేలియన్​ విక్టర్​ చాక్​ కార్డియాక్​ రీసెర్చ్​ ఇన్స్​ స్టిట్యూట్​ పరిశోధన ప్రకారం ఈ గుండె ద్వారా మనిషి ఆరు సంవత్సరాలపాటు జీవించే అవకాశం ఉంది. మార్పిడి తరువాత 80 నుంచి 85 శాతం మంది రోగులు 12 నెలలపాటు బతికే ఉంటారు. ‘బీవాకోర్​ టోటల్​’ అనబడే ఈ ఆర్టిఫిషియల్​ గుండె ఇప్పటివరకు ఒక్కరోగికి మాత్రమే అమర్చారు. బ్రిటిష్​ మ్యాగజైన్​ ప్రకారం భవిష్యత్​ లో ఈ హృదయం సహాయంతో గుండె మార్పిడి చేసిన వ్యక్తిని బతికించే అవకాశం ఉందేమో గానీ ఆగిపోయిన గుండెను మాత్రం ఇది రీచార్జ్​ చేయలేదు. 

ప్రపంచవ్యాప్తంగా ప్రతీ ఏటా 23 మిలియన్ల మంది గుండెపోటుతో మృతి చెందుతున్నారు. చాలామందికి గుండె అవసరం ఉన్నప్పటికీ గుండెను అందించే దాతల సంఖ్య మాత్రం ప్రతీఏటా కేవలం ఆరువేలే. భవిష్యత్​ లో కృత్రిమ గుండె రూపకల్పనలో మరిన్ని పరిశోధనలు జరగాల్సిన అవసరం ఉంది. దీంతో పెద్ద ఎత్తున గుండెపోటుల నివారణ, బదిలీ సాధ్యపడుతుంది.