2027 నాటికి మూడో అతిపెద్ద ఆర్థిక వ్యవస్థగా భారత్​

నా తెలంగాణ, న్యూ ఢిల్లీ: 2027 నాటికి భారత ఆర్థిక వ్యవస్థ ఖచ్చితంగా ప్రపంచంలో మూడో అతిపెద్ద ఆర్థిక వ్యవస్థగా అవతరించబోతోందని ఐఎంఎఫ్​ (ఇంట్నేషనల్​ మోనిటరింగ్​ ఫండ్​–అంతర్జాతీయ ద్రవ్య నిధి) డిప్యూటీ మేనేజింగ్​ డైరెక్టర్​ గీత గోపీనాథ్​ అన్నారు. శుక్రవారం ఆమె మీడియాతో మాట్లాడుతూ ఈ విషయాన్ని స్పష్టం చేశారు. 

2047 నాటికి దేశాన్ని అభివృద్ధి చెందిన దేశంగా తీర్చిదిద్దుతామని తెలిపారు. ఇది కేవలం స్లోగన్ మాత్రమే కాదని ఆ దిశలో పెద్ద యెత్తున చర్యలు కూడా తీసుకుంటున్నామని గీత గోపీనాథ్​ స్పష్టం చేశారు. 

2024–25 ఆర్థిక సంవత్సరానికి వృద్ధి అంచనా 6.8 నుంచి 7 శాతానికి జీడీపీ పెరగొచ్చన్నారు. ప్రస్తుతం ఉన్న ఐదో స్థానాన్ని మూడేళ్లలో అధిగమిస్తామన్నారు. 

గతంలో కూడా ఆర్థిక విశ్లేషణలకు మెరుగ్గా భారత్​ పరిస్థితులు ఉన్నాయని తెలిపారు. ఉత్పత్తి, వినియోగం, ఎగుమతులు పెరుగుదలతో భారత ఆర్థిక వ్యవస్థకు మేలు చేకూరుతుందన్నారు. పరిశ్రమలు, వాహన రంగం, వ్యవసాయ ఉత్పత్తులు తదితరాల పెరుగుదలను ఆశిస్తున్నట్లు తెలిపారు. అయితే భారత ప్రభుత్వం బడ్జెట్​ లో ఆర్థిక అంచనాల కంటే గీత గోపీనాథ్​ అంచనాలు ఎక్కువగా ఉండడం గమనార్హం.