స్విట్జర్లాండ్​ లో బురఖాపై నిషేధం అమలు!

నా తెలంగాణ, న్యూ ఢిల్లీ: స్విట్జర్లాండ్​ లో నేటి నుంచి (బుధవారం 2025 జనవరి 1) బురఖాపై నిషేధం వర్తించనుంది. ఉల్లంఘనలకు రూ. 96వేల జరిమానా విధించనున్నారు. దీంతో బురఖాను నిషేధించిన ఏడో యూరోపియన్​ దేశంగా స్విట్జర్లాండ్​ నిలిచింది. ఈ దేశంలో ముస్లిం మహిళలు ముఖాలను పూర్తిగా కప్పి ఉంచడంపై నిషేధం విధించారు. ఒకవేళ నిబంధనలు ఉల్లంఘిస్తే 1000 స్విస్​ ఫ్రాంక్​ లు (రూ. 96వేలు) జరిమానా విధించనున్నారు. 2021లో ప్రజాభిప్రాయ సేకరణలో 51.21 శాతం మంది పౌరులు బురఖా నిషేధానికి అనుకూలంగా ఓటు వేశారు. అటు పిమ్మట చట్టాన్ని చేశారు. స్విట్జర్లాండ్​ కంటే ముందు బురఖాపై నిషేధం విధించిన దేశాల్లో బెల్జియం, ఫ్రాన్స్, డెన్మార్క్, ఆస్ట్రియా, నెదర్లాండ్స్, బల్గేరియాలు ఉన్నాయి. ఈ చట్టంలోని నిబంధనల ప్రకారం ప్రజాసమ్మర్థ ప్రాంతాలు, పబ్లిక్ ట్రాన్స్‌పోర్ట్, రెస్టారెంట్లు, షాపులు, ఇతర ప్రదేశాలలో మహిళలు తమ ముఖాలను పూర్తిగా కప్పుకోలేరు.