జగన్నాథ ఆలయంపై డ్రోన్​

భువనేశ్వర్​: పూరీలోని జగన్నాథ ఆలయంపై అనుమానాస్పద డ్రోన్ కనిపించింది. దీంతో ఆలయ భద్రతకు సంబంధించి భయాందోళనలు వ్యక్తం అవుతున్నాయి. ఈ డ్రోన్​ ఆదివారం ఆలయ పరిసరాల్లో కనిపించడంతో కలకలం రేగింది. ఈ ఘటనపై ఒడిశా న్యాయ శాఖ మంత్రి పృథ్వీరాజ్​ హరిచందన్​ మాట్లాడుతూ ఆలయ నిబంధనలు ఉల్లంఘించి డ్రోన్​ లను ఎగురవేసిన వారిపై చట్టరీత్యా కఠిన చర్యలు తీసుకుంటామన్నారు. ఇప్పటికే డ్రోన్​ ఎగురవేతపై విచారణ ప్రారంభించామన్నారు. అరగంటపాటు ఆలయంపై డ్రోన్​ ఎగిరినట్లు సమాచారం ఉందన్నారు. జగన్నాథ ఆలయం పరిసరాలు నో ఫ్లైయింగ్​ జోన్​ అని స్పష్టం చేశారు. డ్రోన్​ ఎగరడంపై పలు విమర్శలు వస్తున్నాయి. ఆలయ ప్రాంగణం చుట్టూ 24 గంటలపాటు వాచ్​ టవర్లతో భద్రతను ఏర్పాటు చేసే యోచన ఉందని మంత్రి హరిచందన్​ తెలిపారు.