రైతులకు కేంద్రం శుభవార్త

డీఏపీపై అదనపు సబ్సిడీ
ఫసల్​ బీమాతో మరో 4 కోట్ల మంది రైతులకు లబ్ధి
ఇన్నోవేషన్​ పరిశోధనలకు రూ. 824.77 కోట్లు కేటాయింపు
కేబినెట్​ భేటీలో కీలక నిర్ణయాలు

నా తెలంగాణ, న్యూ ఢిల్లీ: రైతులకు కేంద్ర ప్రభుత్వం శుభవార్త చెప్పింది. 50 కిలోల డీఏపీ బస్తాను రూ. 1350కే అందజేయాలని బుధవారం మోదీ అధ్యక్షతన నిర్వహించిన కేబినెట్​ భేటీలో నిర్ణయించింది. వివరాలను కేంద్ర మంత్రి అశ్వినీ వైష్ణవ్​ మీడియాతో పంచుకున్నారు. డీఏపీపై రూ. 3850 కోట్ల అదనపు సబ్సిడీ ఇవ్వాలని నిర్ణయించింది. పంటల బీమా పథకాన్ని 2025–26లో కొనసాగించేందుకు ఆమోదించారు. ఇందుకోసం రూ. 69,515.71 కోట్లను కేటాయించారు. దీంతో మరో 4 కోట్ల మంది రైతులను ఫసల్​ బీమా యోజన కింద లబ్ధి పొందనున్నారు. ఇన్నోవేషన్ అండ్ టెక్నాలజీ కోసం ఫండ్ ఏర్పాటుకు కూడా క్యాబినెట్ ఆమోదం తెలిపింది. పథకం కింద సాంకేతిక కార్యక్రమాలకు ఆర్థిక సహాయం చేయడానికి రూ.824.77 కోట్లను కేటాయించారు.