ఉత్పత్తిలో 4.3 శాతం వృద్ధి

నా తెలంగాణ, సెంట్రల్​ డెస్క్​: దేశంలో ప్రధాన పరిశ్రమ రంగాలు ఉత్పత్తిలో 2024 నవంబర్​ వరకు 4.3 శాతం వృద్ధిని సాధించాయి. ప్రభుత్వం విడుదల చేసిన గణాంకాల ప్రకారం సిమెంట్​, ఉక్కు, బొగ్గు లాంటి పరిశ్రమలు వృద్ధిలో ప్రథమ వరుసలో ఉన్నాయి. నవంబర్​ లో సిమెంట్​ ఉత్పత్తి 13 శాతం వృద్ధి చెందగా, ఉక్కు 4.8 శాతంగా నమోదైంది. విద్యుత్​ ఉత్పత్తిలో 3.8 శాతం పెరుగుదల నమోదైంది. ఎరువుల ఉత్పత్తి 2 శాతం పెరగగా, బొగ్గు ఉత్పత్తి 7.5 శాతం పెరిగింది. రిఫైనరీ ఉత్పత్తి 2.9 శాతం పెరుగుదల నమోదైంది. ఎనిమిది పరిశ్రమల ఉత్పత్తి 40.27 శాతం పెరుగుదల నమోదైనట్లు ఇక్రా (ఐసీఆర్​ ఎ) చీఫ్​ అదితి నాయర్​ పేర్కొన్నారు. కోర్​ సెక్టార్ వృద్ధి రేటు అక్టోబర్ 2024లో సవరించిన 3.7 శాతం నుంచి నవంబర్ 2024లో 4.3 శాతానికి పెరిగింది.