ఆరోగ్యంగానే సీఎం కేజ్రీవాల్​

తీహార్​: తీహార్​ జైలులో కేజ్రీవాల్​ ఆరోగ్యంగానే ఉన్నారని ఎయిమ్స్​ ఐదుగురు వైద్య బృందం స్పష్టం చేసింది. ఇన్సులిన్​ క్రమం తప్పకుండా తీసుకోవాలని సూచించింది. ఆయన ఆరోగ్యం, అన్నపానీయాలపై కోర్టు ఆదేశాల మేరకు వైద్య బృందం శనివారం తీహార్​ జైలులో కేజ్రీవాల్​ కు వీడియో కాన్ఫరెన్స్​ ద్వారా ఆరోగ్యానికి సంబంధించిన విషయాలపై ఆరా తీశారు. మందులు తీసుకునే విషయంలో ఎలాంటి మార్పును వైద్యబృందం సూచించలేదు. ఈ వీడియో కాన్ఫరెన్స్​ అరగంటపాటు కొనసాగగా ఇందులో జైలుకు చెందిన ఇద్దరు వైద్యుల బృందం కూడా పాల్గొంది. వారం మొదటిలో కేజ్రీవాల్​ షుగర్​ లెవెల్​ 320కు చేరుకున్న విషయం తెలిసిందే. ఢిల్లీ కోర్టు సూచనల మేరకు ఏర్పాటు చేసిన ఐదుగురు సభ్యుల మెడికల్ బోర్డు సూచించింది. దీంతో వైద్య బృందం కేజ్రీ ఆరోగ్యంపై ఆరా తీసింది. విషయాలను కోర్టుకు నివేదిక రూపంలో ఈ బృందం వెల్లడించనుంది. వీడియో కాన్ఫరెన్సింగ్ ద్వారా ప్రతిరోజూ తన వైద్యుడిని సంప్రదించాలని కోరుతూ అరవింద్ కేజ్రీవాల్ చేసిన విజ్ఞప్తిని ఢిల్లీ కోర్టు గత వారం తిరస్కరించింది. అయితే, టైప్ 2 డయాబెటిస్‌తో బాధపడుతున్న ఆప్ అధినేతకు ఇన్సులిన్ అవసరమా లేదా అనేది నిర్ణయించేందుకు ఎయిమ్స్ వైద్యులతో కూడిన మెడికల్ బోర్డును ఏర్పాటు చేయాలని తీహార్ జైలు అధికారులను కోర్టు ఆదేశించింది.