ఆర్జీకర్.. ప్రధాన నిందితుడినే దోషిగా నిర్ధారించిన కోర్టు 

ప్రధాన నిందితుడినే దోషిగా నిర్ధారించిన కోర్టు 
దోషులను వదిలేశారు.. అమాయకున్ని ఇరికించారన్న రాయ్​
అందరికీ శిక్ష పడే వరకు పోరాటం ఆగదు బాధితురాలి తండ్రి

కోల్‌కతా: కోల్‌కతా ఆర్జీకర్​ మెడికోపై లైంగికదాడి, హత్య కేసులో ప్రధాన నిందితుడు సంజయ్​ రాయ్​ ను సీల్దా కోర్టు దోషిగా నిర్ధారించింది. శనివారం కేసును జస్టిస్​ అనిర్బన్​ దాస్​ విచారించి తీర్పు వెలువరించారు. దోషికి శిక్షను సోమవారం (జనవరి 20)న ప్రకటిస్తామన్నారు. 162 రోజుల తరువాత ఈ కేసులో సీల్దా కోర్ట తీర్పు వెలువరించింది. కాగా సంజయ్​ కు మరణశిక్ష విధించాలని సీబీఐ వాదిస్తున్నది. తీర్పు సందర్భంగా దోషి సంజయ్​ మాట్లాడుతూ.. ఈ కేసులో తనను అన్యాయంగా ఇరికించారన్నారు. తాను ఈ ఘోరమైన ఆకృత్యానికి పాల్పడలేదన్నారు. దోషులను వదిలేశారని, అమాయకున్ని బలిచేశారని ఆవేదన వ్యక్తం చేశారు. ఆగస్ట్​  9న జరిగిన లైంగిక దాడిలో ఆసుపత్రి వాలంటీర్​ అయి సంజయ్​ ను పోలీసులు అరెస్టు చేశారు. ఈ సందర్భంగా 81 మంది సాక్షులలో 43 మందిని విచారించామని సీబీఐ కోర్టుకు తెలిపింది. ఈ సందర్భంగా బాధితురాలి తండ్రి మాట్లాడుతూ.. నిందితులందరికీ కఠిన శిక్ష ఖరారు చేసే వరకూ తాను కోర్టు తలుపులు తడుతూనే ఉంటానని అన్నారు. తన కుమార్తెపై ఈ దుశ్చర్య జరిగినప్పుడు నలుగురు పురుషులు, ఇద్దరు మహిళలు ఉన్నట్లుగా డీఎన్​ ఏ నివేదిక పేర్కొందన్నారు. ఇందులో భాగస్వాములైన ప్రతీ ఒక్కరికీ శిక్ష పడేవరకూ తన పోరాటం ఆగదని తేల్చి చెప్పారు. 

ఫోరెన్సిక్ నివేదిక ఆధారంగా కోర్టు సంజయ్​ రాయ్​ ని దోషిగా నిర్ధారించింది. రాయ్​ శరీరంపై డీఎన్​ ఏను కనుగొన్నట్లు నివేదికలో స్పష్టమైంది. అయితే సంజయ్​ వాదన పట్ల న్యాయమూర్తి మాట్లాడుతూ.. శిక్ష ఖరారు చేసే ముందు సంజయ్​ కు తన వాదన వినిపించేందుకు అవకాశం ఇస్తామని తెలిపారు.